قۇرامىندا پوليسيا، ورمان شارۋاشىلىعى جانە جانۋارلار دۇنيەسى ينسپەكسياسى، سونداي-اق جەرگىلىكتى اتقارۋشى ورگاندار قىزمەتكەرلەرىنەن تۇراتىن 22 ءموبيلدى توپ قۇرىلدى.
اڭشىلىق شارۋاشىلىقتارى مەن القاپتارعا، ەرەكشە قورعالاتىن تابيعي اۋماقتارعا كىرىپ-شىعۋ جەرلەرىنە بەكەتتەر قويىلدى. اۆتوجولداردا، بازارلاردا جانە باسقا دا جەرلەردە جاس قىلقان جاپىراقتى اعاشتاردى تاسىمالداۋ مەن ساتۋدىڭ زاڭدىلىعى تۇرعىسىنان باقىلاۋ كۇشەيتىلدى.
- اكسيا باستالعاننان بەرى وڭىردەگى پوليسيا قىزمەتكەرلەرى التى قۇقىق بۇزۋشىلىق انىقتادى. ونىڭ ىشىندە قىلقان جاپىراقتى اعاشتاردى زاڭسىز كەسكەنى ءۇشىن ەكى اكىمشىلىك قۇقىق بۇزۋشىلىق (ق ر اقبتك 381-1 بابى)، جاسىل ەكپەلەردى زاقىمداعانى ءۇشىن ءبىر قۇقىق بۇزۋشىلىق (ق ر اقبتك 386-بابى)، شىرشا بۇتاقتارىن بەلگىلەنبەگەن جەردە ساتقانى ءۇشىن ءۇش اكىمشىلىك قۇقىق بۇزۋشىلىق (ق ر اقبتك 204-بابى) تىركەلدى.
انىقتالعانداي، التاي اۋدانى پوليسيا ءبولىمىنىڭ جەرگىلىكتى پوليسيا قىزمەتىنىڭ وكىلدەرى التاي-پارىگينو تەحنولوگيالىق تراسساسىندا شىرشا تۇقىمداس قىلقان جاپىراقتى اعاشتى ءتيىستى قۇجاتتارسىز تاسىمالداعان التاي قالاسىنىڭ «ۋاز» ماركالى اۆتوكولىگىن توقتاتتى.
- كولىك تىزگىندەگەن 50 جاستاعى تۇرعىن. وعان قاتىستى ق ر اقبك 381-1 بابىنا سايكەس اكىمشىلىك حاتتاما تولتىرىلىپ، 5 اەك كولەمىندە ايىپپۇل سالىندى. ورمان القاپتارىن پاترۋلدەۋ بارىسىندا ورمان كۇزەتىنىڭ قىزمەتكەرلەرى بەسقاراعاي اۋدانىنىڭ تابيعاتتى قورعاۋ پوليسياسىنىڭ ينسپەكتورىمەن بىرلەسىپ «سەمەي ورمانى» رمم كانونەر فيليالىندا كولەمى 4،5 تەكشە مەتر 26 253 تەڭگە كولەمىندە 26 دانا قاراعاي تۇقىمداس اعاشتاردىڭ زاڭسىز كەسىلگەنى انىقتالدى. 40 جاستاعى زاڭبۇزۋشى اكىمشىلىك جاۋاپكەرشىلىككە تارتىلدى.
پوليسيا دەپارتامەنتى اعاشتاردى، سونىڭ ىشىندە قىلقان جاپىراقتى اعاشتاردى زاڭسىز كەسكەنى ءۇشىن مەملەكەتكە كەلتىرىلگەن زيان مەن كولەمگە بايلانىستى اكىمشىلىك جانە قىلمىستىق جاۋاپكەرشىلىك قاراستىرىلعانىن ەسكە سالادى.
