ShQO-da orman brakonerlerine baqylaý kúsheitildi
Quramynda politsiia, orman sharýashylyǵy jáne janýarlar dúniesi inspektsiiasy, sondai-aq jergilikti atqarýshy organdar qyzmetkerlerinen turatyn 22 mobildi top quryldy.
Ańshylyq sharýashylyqtary men alqaptarǵa, erekshe qorǵalatyn tabiǵi aýmaqtarǵa kirip-shyǵý jerlerine beketter qoiyldy. Avtojoldarda, bazarlarda jáne basqa da jerlerde jas qylqan japyraqty aǵashtardy tasymaldaý men satýdyń zańdylyǵy turǵysynan baqylaý kúsheitildi.
- Aktsiia bastalǵannan beri óńirdegi politsiia qyzmetkerleri alty quqyq buzýshylyq anyqtady. Onyń ishinde qylqan japyraqty aǵashtardy zańsyz keskeni úshin eki ákimshilik quqyq buzýshylyq (QR ÁQBtK 381-1 baby), jasyl ekpelerdi zaqymdaǵany úshin bir quqyq buzýshylyq (QR ÁQBtK 386-baby), shyrsha butaqtaryn belgilenbegen jerde satqany úshin úsh ákimshilik quqyq buzýshylyq (QR ÁQBtK 204-baby) tirkeldi.
Anyqtalǵandai, Altai aýdany politsiia bóliminiń jergilikti politsiia qyzmetiniń ókilderi Altai-Parygino tehnologiialyq trassasynda shyrsha tuqymdas qylqan japyraqty aǵashty tiisti qujattarsyz tasymaldaǵan Altai qalasynyń «ÝAZ» markaly avtokóligin toqtatty.
- Kólik tizgindegen 50 jastaǵy turǵyn. Oǵan qatysty QR ÁQBK 381-1 babyna sáikes ákimshilik hattama toltyrylyp, 5 AEK kóleminde aiyppul salyndy. Orman alqaptaryn patrýldeý barysynda orman kúzetiniń qyzmetkerleri Besqaraǵai aýdanynyń tabiǵatty qorǵaý politsiiasynyń inspektorymen birlesip «Semei Ormany» RMM Kanoner filialynda kólemi 4,5 tekshe metr 26 253 teńge kóleminde 26 dana qaraǵai tuqymdas aǵashtardyń zańsyz kesilgeni anyqtaldy. 40 jastaǵy zańbuzýshy ákimshilik jaýapkershilikke tartyldy.
Politsiia departamenti aǵashtardy, sonyń ishinde qylqan japyraqty aǵashtardy zańsyz keskeni úshin memleketke keltirilgen ziian men kólemge bailanysty ákimshilik jáne qylmystyq jaýapkershilik qarastyrylǵanyn eske salady.
