شىعىس قازاقستاندا وتكەن حالىقارالىق «Altay Invest-2025» فورۋمىندا جالپى قۇنى 730 ملرد تەڭگەدەن اساتىن 40-تان استام مەموراندۋم مەن كەلىسىمشارتقا قول قويىلدى، دەپ حابارلايدى Dalanews.kz
قۇجاتتارعا شقو اكىمى نۇرىمبەت ساقتاعانوۆ، اۋدان جانە قالا اكىمدەرى، سونداي-اق ءىرى شەتەلدىك جانە وتاندىق كومپانيا وكىلدەرى قول قويدى.
مەموراندۋمدار ءوڭىر ەكونوميكاسىنىڭ نەگىزگى باعىتتارىن قامتيدى: ەنەرگەتيكا، كولىك-لوگيستيكا، اۋىل شارۋاشىلىعى، تۋريزم، ونەركاسىپ جانە قالدىقتاردى قايتا وڭدەۋ سالالارى.
فورۋم شىعىس قازاقستان مەن جۇڭگو، سونداي-اق بەلارۋس جانە رەسەي كاسىپورىندارى اراسىندا ۇزاق مەرزىمدى ارىپتەستىك ورناتۋعا الاڭ بولدى. بۇل كەلىسىمدەر ءوڭىر ەكونوميكاسىنا جاڭا سەرپىن بەرىپ، جۇمىس ورىندارىن اشۋعا جانە ەكسپورتتىق الەۋەتتى ارتتىرۋعا ىقپال ەتپەك.
اكىمدىك مالىمەتىنشە، ەندى ءاربىر جوبا بويىنشا جول كارتاسى ازىرلەنىپ، العاشقى قۇرىلىس پەن ءوندىرىس ىسكە قوسۋ جۇمىستارى 2026 جىلدان باستاپ باستالۋى مۇمكىن.
