Shyǵys Qazaqstanda ótken halyqaralyq «Altay Invest-2025» forýmynda jalpy quny 730 mlrd teńgeden asatyn 40-tan astam memorandým men kelisimshartqa qol qoıyldy, dep habarlaıdy Dalanews.kz
Qujattarǵa SHQO ákimi Nurymbet Saqtaǵanov, aýdan jáne qala ákimderi, sondaı-aq iri sheteldik jáne otandyq kompanıa ókilderi qol qoıdy.
Memorandýmdar óńir ekonomıkasynyń negizgi baǵyttaryn qamtıdy: energetıka, kólik-logıstıka, aýyl sharýashylyǵy, týrızm, ónerkásip jáne qaldyqtardy qaıta óńdeý salalary.
Forým Shyǵys Qazaqstan men Qytaı, sondaı-aq Belarýs jáne Reseı kásiporyndary arasynda uzaq merzimdi áriptestik ornatýǵa alań boldy. Bul kelisimder óńir ekonomıkasyna jańa serpin berip, jumys oryndaryn ashýǵa jáne eksporttyq áleýetti arttyrýǵa yqpal etpek.
Ákimdik málimetinshe, endi árbir joba boıynsha jol kartasy ázirlenip, alǵashqy qurylys pen óndiris iske qosý jumystary 2026 jyldan bastap bastalýy múmkin.
