بالالار جىلىنىڭ سوڭىندا جانە جاڭا جىل قارساڭىندا شىعىس قازاقستان وبلىسىنىڭ اكىمى دانيال احمەتوۆ جەتىم بالالار مەن اتا-اناسىنىڭ قامقورلىعىنسىز قالعان بالالار تاربيەلەنەتىن "ءۇمىت" بالالاردى قولداۋ ورتالىعىنا باردى.
اكىم مەرەكەلىك شاراعا قاتىسىپ، بالالاردى جاڭا جىلمەن قۇتتىقتاپ، ءار بالاعا كوركەم ادەبيەت كىتابىن جانە ورتالىققا شاعىن اۆتوبۋس سىيلادى.
- بۇگىن ورتالىق پەداگوگتارى مۇندا وتباسىلىق جىلۋلىق اتموسفەراسىن قالىپتاستىرا الدى. ۇيىرمەلەر مەن سەكسيالار، كومپيۋتەرلىك سىنىپتار بالالارعا بوس ۋاقىتتارىن ءتيىمدى وتكىزۋگە مۇمكىندىك بەرەدى. ەلىمىزدىڭ پرەزيدەنتى قاسىم-جومارت كەمەل ۇلى توقايەۆتىڭ اتىنان بالالارعا كىتاپتار جيىنتىعى، ال ورتالىققا شاعىن اۆتوبۋس سىيعا تارتىلدى. ءبىز 2023 جىلى وبلىستىڭ بارلىق مەكتەپتەرىندە روبوتوتەحنيكا سىنىپتارىن جاڭارتامىز. ال "ءۇمىت" ورتالىعىنىڭ جانىندا سپورت ورتالىعىن سالامىز، وندا بارلىق شاعىن اۋداننىڭ بالالارى اينالىسا الادى، - دەدى وبلىس اكىمى دانيال احمەتوۆ.
اتاپ ءوتۋ كەرەك، بيىل وبلىستا بالا قۇقىقتارى جونىندەگى وڭىرلىك ۋاكىل دەگەن لاۋازىم ەنگىزىلدى.
- "ءبىز الداعى ۋاقىتتا دا ءبىلىم بەرۋ جانە بالالار دەنساۋلىعى ماسەلەلەرىنە ەرەكشە نازار اۋداراتىن بولامىز. جاڭا جىل قارساڭىندا بارلىق بالالارعا، اتا-انالار مەن مۇعالىمدەرگە وتباسىلىق باقىت، دەنساۋلىق پەن اماندىق، جاڭا تابىستى جوبالار مەن باستامالار تىلەيمىن. جاڭا جىلدارىڭىزبەن!"، - دەدى اكىم.
- "ءبىز جاڭا جىل قارساڭىزدا تىلەگىمىزدى ورىنداعانى ءۇشىن قاسىم-جومارت كەمەلۇلىنا العىس ايتقىمىز كەلەدى. ءبىز مۇنداي شاعىن اۆتوبۋستى كوپتەن بەرى ارماندادىق. ەندى بىزدە ءوز اۆتوبۋسىمىز بار، ونىمەن ءبىز سەكسيالارعا، ۇيىرمەلەرگە جانە ءتۇرلى شارالارعا بارامىز"، - دەپ ءبولىستى بالالار.


سونىمەن قاتار، بالالار جىلى اياسىندا ق ر پرەزيدەنتى مەن وبلىس اكىمى دانيال احمەتوۆتىڭ جاڭا جىلدىق شىرشالارى وتكىزىلدى. مەرەكەلىك شاراعا ءوڭىردىڭ تۇكپىر-تۇكپىرىنەن 450 بالا قاتىستى. ولاردىڭ قاتارىندا اتا-اناسىنىڭ قامقورلىعىنسىز قالعان جەتىم بالالار، از قامتىلعان جانە كوپ بالالى وتباسىلاردان شىققان بالالار، ەرەكشە ءبىلىم بەرۋ قاجەتتىلىكتەرى بار ۇلدار مەن قىزدار، سونداي-اق وقۋدا، سپورتتا، شىعارماشىلىقتا جانە قوعامدىق ومىردە جەتىستىككە جەتكەن دارىندى بالالار بار. بالالارعا ءتاتتى سىيلىقتار مەن اقشالاي سەرتيفيكاتتار بەرىلدى.
جىل سايىن ءبىلىم بەرۋ جۇيەسىنىڭ تاربيەلەنۋشىلەرى، جەتىم بالالار جانە اتا - اناسىنىڭ قامقورلىعىنسىز قالعان بالالار ءۇشىن مەرەكەلىك جاڭا جىلدىق ءىس-شارالار وتكىزىلەدى. بيىل دا بۇل ءداستۇر جالعاسىن تاپتى. مەملەكەتتىك ورگانداردىڭ، مەسەناتتاردىڭ، قوعامدىق قورلار مەن دەمەۋشىلەردىڭ قولداۋىنىڭ ارقاسىندا ەكى اپتا بويى بالالار ءۇشىن ەرتەڭگىلىكتەر، كونسەرتتەر، قويىلىمدار، سونداي-اق كوشپەلى ءىس-شارالار، مۇراجايلارعا، كافەلەر مەن كينوتەاترلارعا بارۋ ۇيىمداستىرىلدى.
ايتا كەتۋ كەرەك، شقو-دا بالالار جىلىنا 129 ءىس-شارا وتكىزۋ جوسپارلاندى. بۇگىنگى تاڭدا بارلىق ويلاستىرىلعان جوبالار 100% ىسكە اسىرىلدى. ءوڭىر بويىنشا 0-دەن 18 جاسقا دەيىنگى 181 مىڭ 266 بالا قامتىلدى.