Ákim merekelik sharaǵa qatysyp, balalardy Jańa jylmen quttyqtap, ár balaǵa kórkem ádebiet kitabyn jáne ortalyqqa shaǵyn avtobýs syilady.
- Búgin ortalyq pedagogtary munda otbasylyq jylýlyq atmosferasyn qalyptastyra aldy. Úiirmeler men sektsiialar, kompiýterlik synyptar balalarǵa bos ýaqyttaryn tiimdi ótkizýge múmkindik beredi. Elimizdiń Prezidenti Qasym-Jomart Kemeluly Toqaevtyń atynan balalarǵa kitaptar jiyntyǵy, al ortalyqqa shaǵyn avtobýs syiǵa tartyldy. Biz 2023 jyly oblystyń barlyq mektepterinde robototehnika synyptaryn jańartamyz. Al "Úmit" ortalyǵynyń janynda sport ortalyǵyn salamyz, onda barlyq shaǵyn aýdannyń balalary ainalysa alady, - dedi oblys ákimi Danial Ahmetov.
Atap ótý kerek, biyl oblysta bala quqyqtary jónindegi óńirlik ýákil degen laýazym engizildi.
- "Biz aldaǵy ýaqytta da bilim berý jáne balalar densaýlyǵy máselelerine erekshe nazar aýdaratyn bolamyz. Jańa jyl qarsańynda barlyq balalarǵa, ata-analar men muǵalimderge otbasylyq baqyt, densaýlyq pen amandyq, jańa tabysty jobalar men bastamalar tileimin. Jańa jyldaryńyzben!", - dedi ákim.
- "Biz Jańa jyl qarsańyzda tilegimizdi oryndaǵany úshin Qasym-Jomart Kemelulyna alǵys aitqymyz keledi. Biz mundai shaǵyn avtobýsty kópten beri armandadyq. Endi bizde óz avtobýsymyz bar, onymen biz sektsiialarǵa, úiirmelerge jáne túrli sharalarǵa baramyz", - dep bólisti balalar.
Sonymen qatar, balalar jyly aiasynda QR Prezidenti men oblys ákimi Danial Ahmetovtyń jańa jyldyq shyrshalary ótkizildi. Merekelik sharaǵa óńirdiń túkpir-túkpirinen 450 bala qatysty. Olardyń qatarynda ata-anasynyń qamqorlyǵynsyz qalǵan jetim balalar, az qamtylǵan jáne kóp balaly otbasylardan shyqqan balalar, erekshe bilim berý qajettilikteri bar uldar men qyzdar, sondai-aq oqýda, sportta, shyǵarmashylyqta jáne qoǵamdyq ómirde jetistikke jetken daryndy balalar bar. Balalarǵa tátti syilyqtar men aqshalai sertifikattar berildi.
Jyl saiyn bilim berý júiesiniń tárbielenýshileri, jetim balalar jáne ata - anasynyń qamqorlyǵynsyz qalǵan balalar úshin merekelik jańa jyldyq is-sharalar ótkiziledi. Biyl da bul dástúr jalǵasyn tapty. Memlekettik organdardyń, metsenattardyń, qoǵamdyq qorlar men demeýshilerdiń qoldaýynyń arqasynda eki apta boiy balalar úshin erteńgilikter, kontsertter, qoiylymdar, sondai-aq kóshpeli is-sharalar, murajailarǵa, kafeler men kinoteatrlarǵa barý uiymdastyryldy.
Aita ketý kerek, ShQO-da balalar jylyna 129 is-shara ótkizý josparlandy. Búgingi tańda barlyq oilastyrylǵan jobalar 100% iske asyryldy. Óńir boiynsha 0-den 18 jasqa deiingi 181 myń 266 bala qamtyldy.
