Almaty taýlarynda 1953 jyly týǵan shetel azamatyn izdeý jumystary jalǵasyp jatyr. Qutqarý operatsiiasyna tartylǵan adam sany 50-den 130-ǵa, al drondar sany jetiden 11-ge deiin kóbeitildi, dep habarlaidy dalanews.kz.
Tótenshe jaǵdailar ministrliginiń málimetinshe, izdeý jumystary Medeý aýdanyndaǵy Talǵar asýy mańynda, shamamen 3200 metr biiktikte táýlik boiy júrgizilip jatyr. Qutqarýshylar shatqaldar men taý betkeilerin, asýlardy, sondai-aq shyńdarǵa aparatyn baǵyttardy tekserýde.
Operatsiiaǵa TJM qyzmetkerleri, politsiia, «Barys» respýblikalyq qutqarý qyzmeti, qalalyq monitoring ortalyǵy men eriktiler jumyldyrylǵan. Izdeý barysynda segiz tehnika, úsh kinologiialyq top jáne TJM aviatsiiasy paidalanylyp jatyr.
Mamandardyń jumysyna kúrdeli taý bederi, biiktik pen jetýi qiyn aýmaqtar kedergi keltirýde. Soǵan qaramastan, izdeý aýa raiyn eskere otyryp úzdiksiz jalǵasyp jatyr.
Belgili bolǵandai, shetel azamaty 28 qyrkúiekte «Shymbulaq» aspaly jolymen taýǵa kóterilgen. Keiin qalaǵa ózdiginen túspek bolǵanymen, qonaqúige oralmaǵan. Onyń joǵalǵany týraly habar 29 qyrkúiekte «112» qyzmetine túsken.
