Belgili jýrnalist Indira Jylqaidarova aýyr naýqastan qaitys boldy, dep habarlaidy dalanews.kz.
QR Mádeniet jáne aqparat ministrligi belgili jýrnalist Indira Orynbaiqyzy Jylqaidarovanyń dúnieden ótýine bailanysty otbasy men týǵan-týystaryna, jaqyndary men áriptesterine qaiǵyryp kóńil aitty. Indira Orynbaiqyzy 2015 jyldan bastap «Habar» agenttiginde eńbek etip, sońǵy jyldary «Habar» telearnasynyń «Jeti kún» baǵdarlamasynda redaktor-taldaýshy qyzmetin atqardy.
Ol parlamenttik jýrnalistikaǵa, qoǵamdyq-saiasi máseleler men elimizdiń zań shyǵarý úderisin aqparattyq turǵydan jariia etýge airyqsha den qoidy. El ómirindegi mańyzdy oqiǵalardy tereń taldap, ózekti máselelerdi kórermenge jedel ári shynaiy jetkizýge úles qosty.
Indira Jylqaidarova óz isine adaldyǵymen áriptesteriniń qurmetine bólendi. Onyń jýrnalistika salasyndaǵy eńbegi kásibi baiqaýlarda da joǵary baǵalandy. Qazaq jýrnalistikasynda ózindik qoltańbasyn qaldyrǵan ardaqty jannyń jarqyn beinesi týǵan halqynyń jadynda máńgi saqtalady dep senemiz. Marqumnyń jany jánnatta jai taýyp, imany salamat, jatqan jeri jaryq, topyraǵy torqa bolsyn, - delingen ministrlik habarlamasynda.
