QMA Ulytaý oblysy boiynsha departamenti prokýratýranyń úilestirýimen Qarajal qalasyndaǵy «Vostochnyi» kareri aýmaǵynda marganets kenin zańsyz óndirýdi uiymdastyrǵan adamdar tobynyń áreketin toqtatty, dep habarlaidy dalanews.kz.
Kúdiktiler zańsyz ken óndirý úshin aýyr karer tehnikasyn — ekskavatorlar, tiegishter men samosvaldardy paidalanǵan. Karer aýmaǵynda óndiristik baza jabdyqtalyp, onda óndirilgen shikizat usaqtaý-jýý kesheni arqyly óńdelgen.
Keiin ken júk avtokólikterimen tiisti qujattardy paidalana otyryp, el aýmaǵynan tys jerge shyǵarylǵan. Nátijesinde satylǵan marganets keniniń kólemi 4 myń tekshe metrden asyp, onyń quny 950 mln teńgeden asady.
Tergeý jalǵasyp jatyr. Ózge aqparat QR QPK-niń 201-babyna sáikes jariia etýge jatpaidy.
