الماتىدا جىل سوڭىنا دەيٸن 8 جاڭا قوناقٷي اشىلماق. وسىلايشا, مەگاپوليستٸڭ تۋريستەردٸ قابىلداۋ مٷمكٸندٸگٸ كەڭەيەدٸ, دەپ حابارلايدى dalanews.kz Almaty.tv-عا سٸلتەپ.
الماتىعا كەلەتٸن ساياحاتشىلار قاتارى ارتقان سايىن سۇرانىس تا ۇلعايىپ كەلەدٸ. جىل باسىنان بەرٸ شاھاردا 26 جاڭا قوناقٷي اشىلدى. قازٸر قالادا تۋريستەردٸ قابىلدايتىن جالپى 448 نىسان جۇمىس ٸستەيدٸ. ولار بٸر مەزەتتە 26,5 مىڭنان اسا مەيماندى ورنالاستىرا الادى. بۇل باعىتتاعى جۇمىس الداعى جىلدارى دا جالعاسپاق. قازٸر شاھاردا تاعى 87 قوناقٷي جوباسى ەرتٷرلٸ كەزەڭدە تۇر.
"تۋريزمنٸڭ دامۋى ەڭ الدىمەن ينفراقۇرىلىمعا بايلانىستى. سوندىقتان قالاداعى قوناقٷي قورىن كەڭەيتٸپ قانا قويماي, ونىڭ ساپاسىن دا ارتتىرۋىمىز قاجەت. بۇعان الماتىنىڭ ەلەۋەتٸ جەتكٸلٸكتٸ. سونىمەن قاتار, ەلەمدٸك برەندتەردٸ تارتۋعا باسىمدىق بەرگەن جٶن. قىزمەت كٶرسەتۋ دەڭگەيٸن كٶتەرٸپ, الماتىنىڭ حالىقارالىق تۋريستٸك باعىت رەتٸندەگٸ بەسەكەگە قابٸلەتٸن ارتتىرۋ دا ماڭىزدى", – دەدٸ قازاقستان قوناقٷيلەرٸ مەن مەيرامحانالارى قاۋىمداستىعىنىڭ پرەزيدەنتٸ راشيدا شەيكەنوۆا.
مامانداردىڭ بولجامىنشا, 2028 جىلدىڭ سوڭىنا قاراي الماتىداعى قوناقٷي نٶمٸرلەرٸنٸڭ سانى 1,4 ەسەگە ارتادى. مۇنداي قارقىن ەڭ الدىمەن شاھارعا ساياحاتتاۋشىلار قاتارى كٶبەيۋٸمەن بايلانىستى.
بىلتىر الماتىعا 2,5 ميلليونعا جۋىق تۋريست كەلگەن. ونىڭ 800 مىڭعا جۋىعى - شەتەل ازاماتتارى. ساراپشىلاردىڭ دەرەگٸنشە, شەتەلدٸك تۋريستەردٸڭ الماتىداعى شىعىنى 40 پايىزعا ارتقان.
