شقو: 2025 جىلعا دەيٸنگٸ جول ساپاسىن جاقسارتۋدىڭ جوباسى جاسالدى
ەزٸردٸڭ ٶزٸندە جول ساپاسىن جاقسارتۋعا باعىتتالعان 12 جوبا جٷزەگە اسىرىلا باستادى. بۇلاردىڭ ٸشٸندەگٸ ەڭ ماڭىزدىسى – كٷرشٸم اۋدانىنىڭ بۇقتىرما سۋ قويماسىندا سالىناتىن كٶپٸر بولماق. بۇدان بٶلەك سەمەيدەگٸ كٶپٸر دە كٷردەلٸ جٶندەۋدەن ٶتەدٸ.
الداعى جىلى ٶسكەمەن مەن سەمەيدٸ اينالىپ ٶتەتٸن اۆتوكٶلٸك جولىنىڭ قۇرىلىس باستالادى. ٶسكەمەندٸ اينالىپ ٶتەتٸن جول قۇرىلىسىنا 500 ملن تەڭگە بٶلٸنسە, سەمەيدٸ اينالىپ ٶتەتٸن تاس جولعا 1 ملرد تەڭگە باعىتتالماق.
ٶسكەمەن مەن سەمەيدٸڭ اراسىنداعى جول ساپاسى سىن كٶتەرمەيتٸنٸن تۇرعىندار تالايدان بەرٸ ايتىپ جٷر. كەلەر جىلدان باستاپ ەكٸ ٸرٸ قالانى بايلانىستىراتىن كٷرە جولعا كٷردەلٸ جٶندەۋ جۇمىستارى جٷرگٸزٸلەدٸ. وسى ماقساتقا 5 ملرد تەڭگە بٶلٸنگەن.
بۇدان سىرت رەسەيمەن بايلانىستى جولدار دا جٶندەلەدٸ. بورودۋليحا اۋدانىنداعى جەزكەنت كەدەن بەكەتٸنٸڭ كٸرەبەرٸسٸ دە جٶندەۋ كٶرمەگەلٸ كٶپ بولعان. بيىل بۇل مەسەلە دە شەشٸمٸن تاپپاق.
2023 جىلى ٶسكەمەن - شەمونايحا جولى جٶندەۋدەن ٶتەدٸ. بۇدان بٶلەك اۋداندى سىرت اينالىپ ٶتەتٸن جول سالىنباقشى, ەزٸر بۇل مەسەلە تالقىلانۋ ٷستٸندە.
كەلەر جىلى قاراعاندى - اياگٶز - تارباعاتاي - بۇعاز تاس جولى دا جٶندەۋ كٶرەدٸ, بۇعان 2 ملرد تەڭگە بٶلٸنگەن.
اۋدان اۋىل اراسىنداعى جولدارعا از-كەم جٶندەۋ جۇمىسى جٷرگٸزٸلمەك. اتاپ ايتار بولساق, كٷرشٸم - قالجىر جولىنىڭ 60-شى جەنە 75-شٸ شاقىرىمى, كٶكپەكتٸ اۋدانىنان سارىبەل اۋىلىنا قارا جول, شار اۋدانىنداعى جولدار, قاتون-قاراعاي اۋدانىنداعى بٸرقاتار اۋىلدىڭ تاس جولىنا جٶندەۋ جۇمىسى جاسالادى.
وبلىس باسشىلىعى بيىلعى جىلى سەمەيدەگٸ كٶشە ارالىق جولدى رەتكە كەلتٸرۋدٸ مىقتاپ قولعا الماق, بۇل ماقساتقا 1 ملرد تەڭگە بٶلٸنگەن. ال ٶسكەمەن قالاسىندا بەس بٸردەي جول ۋچاسكٸسٸ ۋاقىتشا جابىلىپ, ترامۆاي جولدارىن قايتا قالپىنا كەلتٸرۋ شارالارى ٸسكە اسادى. بۇعان 856 ملن تەڭگە باعىتتالىپ وتىر.
جول قاۋٸپسٸزدٸگٸ تەك مۇنىمەن شەكتەلمەسٸ انىق. وسىنى ەسكەرگەن وبلىس باسشىلىعى جول بويىنا جىلدامدىقتى ەسەپكە الاتىن كامەرالاردى كٶپتەپ ورناتپاقشى. جاياۋ جٷرگٸنشٸلەردٸڭ قاۋٸپسٸزدٸگٸ دە باستى نازارعا الىنعان. كەلەر جىلى ٶسكەمەن مەن سەمەي قالاسىندا ەكٸ بٸردەي جەر استى ٶتكەلٸ پايدالانۋعا بەرٸلەدٸ. بۇعان بيۋدجەتتەن 150 ملن تەڭگە بٶلٸنگەن.
