كەسٸپورىننىڭ ونلاين رەجيمدە ٶتكەن اشىلۋ سالتاناتىنا قازاقستاننىڭ تٷركيياداعى تٶتەنشە جەنە ٶكٸلەتتٸ ەلشٸسٸ ابزال ساپاربەكۇلى, قر سىرتقى ٸستەر مينيسترٸنٸڭ ورىنباسارى الماس ايداروۆ, «KazakhInvest» ۇك» اق باسقارما تٶراعاسى باۋىرجان سارتباەۆ, «Dalsan (دالسان)» جشس-نٸڭ قۇرىلتايشىسى دال حاليل جەنە شىمكەنت قالاسىنىڭ ەكٸمٸ مۇرات ەيتەنوۆ قاتىسىپ, قۇتتىقتاۋ سٶزدەرٸن ارنادى.
جاڭا فابريكا تولىعىمەن تٷرٸك ينۆەستورلارىنىڭ قارجىسىنا سالىنعان.
مۇندا ەزٸرگە 12 ادام تۇراقتى جۇمىسپەن قامتىلدى. ال, كەسٸپورىن تولىق قۋاتىمەن جۇمىس ٸستەي باستاعان كەزدە 45 ادام ەڭبەك ەتەتٸن بولادى.
– شىمكەنتتە ٶنەركەسٸپتٸڭ دامۋىنا بارىنشا قولايلى جاعداي جاسالۋدا. قازٸر 2 يندۋستريالدى, 1 ساۋدا-لوگيستيكالىق جەنە بٸر ارنايى ەكونوميكالىق ايماق جۇمىس ٸستەپ تۇر. وندا جالپى قۇنى 270 ميلليارد تەڭگەنٸ قۇرايتىن 176 جوبا جٷزەگە اسۋدا. 10 مىڭنان استام تۇراقتى جۇمىس ورنى اشىلعان. كٷنٸ كەشە اگرو-يندۋستريالدى ايماقتىڭ قۇرىلىسى باستالدى. سونداي-اق, «جۇلدىز» يندۋستريالدى ايماعىن اشۋ دا جوسپارلانىپ وتىر, – دەدٸ مۇرات دٷيسەنبەكۇلى.
قالا ەكٸمٸ ٸسكە قوسىلىپ وتىرعان فابريكا قازاق-تٷرٸك ساۋدا-ەكونوميكالىق بايلانىستارىن نىعايتۋ جولىنداعى كەزەكتٸ قادام ەكەنٸن ايتىپ ٶتتٸ.
جاڭادان اشىلعان فابريكا «Eli» ماركالى ىلعالدى مايلىقتىڭ جىلىنا 300 مىڭ قاپتاماسىن ٶندٸرە الادى. بۇل تاۋارلار بارلىق حالىقارالىق ستاندارتتارعا سەيكەس كەلەدٸ.
كومپانييا ٶز ٶنٸمٸن ٸشكٸ نارىققا ساتۋدى جوسپارلاپ وتىر.
ايتا كەتەيٸك, «Dalsan» كومپانيياسى اشقان بۇل فابريكا «وڭتٷستٸك» ارنايى ەكونوميكالىق ايماعىندا تٷرٸك ينۆەستورلارىنىڭ قارجىلاندىرۋىمەن جٷزەگە اسقان ٷشٸنشٸ جوبا.
