Kásiporynnyń onlain rejimde ótken ashylý saltanatyna Qazaqstannyń Túrkiiadaǵy tótenshe jáne ókiletti elshisi Abzal Saparbekuly, QR Syrtqy ister ministriniń orynbasary Almas Aidarov, «KazakhInvest» UK» AQ basqarma tóraǵasy Baýyrjan Sartbaev, «Dalsan (DALSAN)» JShS-niń quryltaishysy Dal Halil jáne Shymkent qalasynyń ákimi Murat Áitenov qatysyp, quttyqtaý sózderin arnady.
Jańa fabrika tolyǵymen túrik investorlarynyń qarjysyna salynǵan.
Munda ázirge 12 adam turaqty jumyspen qamtyldy. Al, kásiporyn tolyq qýatymen jumys istei bastaǵan kezde 45 adam eńbek etetin bolady.
– Shymkentte ónerkásiptiń damýyna barynsha qolaily jaǵdai jasalýda. Qazir 2 indýstrialdy, 1 saýda-logistikalyq jáne bir arnaiy ekonomikalyq aimaq jumys istep tur. Onda jalpy quny 270 milliard teńgeni quraityn 176 joba júzege asýda. 10 myńnan astam turaqty jumys orny ashylǵan. Kúni keshe agro-indýstrialdy aimaqtyń qurylysy bastaldy. Sondai-aq, «Juldyz» indýstrialdy aimaǵyn ashý da josparlanyp otyr, – dedi Murat Dúisenbekuly.
Qala ákimi iske qosylyp otyrǵan fabrika qazaq-túrik saýda-ekonomikalyq bailanystaryn nyǵaitý jolyndaǵy kezekti qadam ekenin aityp ótti.
Jańadan ashylǵan fabrika «Eli» markaly ylǵaldy mailyqtyń jylyna 300 myń qaptamasyn óndire alady. Bul taýarlar barlyq halyqaralyq standarttarǵa sáikes keledi.
Kompaniia óz ónimin ishki naryqqa satýdy josparlap otyr.
Aita keteiik, «Dalsan» kompaniiasy ashqan bul fabrika «Ońtústik» arnaiy ekonomikalyq aimaǵynda túrik investorlarynyń qarjylandyrýymen júzege asqan úshinshi joba.
