وبلىس باسشىسى دانيال احمەتوۆ اۋىل شارۋاشىلىق,بٸلٸم, سپورت, ٶندٸرٸس, ٶنەركەسٸپ سالاسىنىڭ ٷزدٸكتەرٸن قۇتتىقتاپ, ەڭ جوعارعى ماراپاتتاردى تابىس ەتتٸ.
ٶز ٸسٸنٸڭ شەبەرلەرٸ قانداي بولسىن قۇرمەتكە لايىق دەيدٸ ۇيىمداستىرۋشىلار. ٶيتكەنٸ ولار كەيٸنگٸ ۇرپاققا «تابىستى ادامنىڭ قۇپيياسى» تەك ەڭبەكقورلىقتا ەكەنٸن كٶرسەتەتٸن ناعىز مايتالماندار.
42 جىل عۇمىرىن ومارتاشىلىققا ارناپ كەلە جاتقان ۆالەريي قاسىمباەۆ ٷشٸن بٷگٸنگٸ كٷن ەرەكشە باستالدى. قۇرمەت وردەنٸمەن ماراپاتتالدى.
ٶلكەنٸڭ باستى ومارتاشىسى بال ەكسپورتىن جولعا قويعان نەگٸزگٸ ٶندٸرۋشٸلەردٸڭ بٸرٸ. قاراپايىم جۇمىسشىدان باستاپ بەلدٸ كەسٸپكەرگە دەيٸنگٸ كٶتەرٸلۋٸنٸڭ ەش قۇپيياسى جوق,تەك تالماي ەڭبەك ەتە بٸلدٸ. ەندٸ تٶككەن تەرٸنٸڭ جەمٸسٸن كٶرۋدە.
" بۇل ناگرادا بٸزگە ٷلكەن جاۋاپكەرشٸلٸك جٷكتەپ وتىر دەپ سانايمىن. سوندىقتان ەلٸ دە قارقىنداي تٷسۋٸمٸز قاجەت. وتانىمىزدىڭ قارىشتاپ دامۋى ٷشٸن تالماي ەڭبەك ەتە بەرمەكپٸز", – دەيدٸ قر ومارتاشىلار قاۋىمداستىعىنىڭ تٶراعاسى ۆالەريي قاسىمباەۆ.
ٶز كەزەگٸندە ەرجان دٷسٸپوۆ بولسا مال شارۋاشىلىعىن ۇرشىقشا يٸرگەن ازاماتتاردىڭ بٸرٸ. قازٸر بٸلگەنٸن بالا شاعاسىنا ٷيرەتٸپ, ەلٸ دە شارۋانىڭ شەتٸنەن قالماي كەلەدٸ. سەبەبٸ مال باققانعا بٸتەتٸنٸن جاقى تٷسٸنەدٸ. ماراپاتتى ەلۋ جىلعى ەڭبەگٸنٸڭ ەلەنگەنٸ دەپ تٷسٸنەدٸ.
"كٸندٸك كەسكەن جەرٸم – سامار. سول ساماردا بٷگٸنگٸ كٷنٸ 70-كە كەلٸپ وتىرمىن, كٶزٸمدٸ اشقالى تەك شارۋاشىلىقپەن اينالىسىپ جٷرمٸن. ەندٸ بٷگٸنگٸ كٷنٸ ٷكٸمەتتەن وردەن العانىما سونداي قۋانىشتىمىن", – دەدٸ ول.
سالتاناتتى جيىندا قالا تازالىعىنا ٷلەس قوسىپ جٷرگەندەر دە, بٸلٸم, سپورت, جۋرناليستيكا, جەڭٸل ٶنەركەسٸپ سالاسىنىڭ ٷزدٸكتەرٸ دە ۇمىت قالمادى. ولار «قۇرمەت» وردەنٸمەن قاتار, «ٷشٸنشٸ دەرەجەلٸ ەڭبەك داڭقى», «ەرەن ەڭبەگٸ ٷشٸن», «شاپاعات», قۇرمەت گراموتاسى سىندى ماراپاتتارعا يە بولدى.
