Oblys basshysy Danial Ahmetov aýyl sharýashylyq,bilim, sport, óndiris, ónerkásip salasynyń úzdikterin quttyqtap, eń joǵarǵy marapattardy tabys etti.
Óz isiniń sheberleri qandai bolsyn qurmetke laiyq deidi uiymdastyrýshylar. Óitkeni olar keiingi urpaqqa «tabysty adamnyń qupiiasy» tek eńbekqorlyqta ekenin kórsetetin naǵyz maitalmandar.
42 jyl ǵumyryn omartashylyqqa arnap kele jatqan Valerii Qasymbaev úshin búgingi kún erekshe bastaldy. Qurmet ordenimen marapattaldy.
Ólkeniń basty omartashysy bal eksportyn jolǵa qoiǵan negizgi óndirýshilerdiń biri. Qarapaiym jumysshydan bastap beldi kásipkerge deiingi kóterilýiniń esh qupiiasy joq,tek talmai eńbek ete bildi. Endi tókken teriniń jemisin kórýde.
" Bul nagrada bizge úlken jaýapkershilik júktep otyr dep sanaimyn. Sondyqtan áli de qarqyndai túsýimiz qajet. Otanymyzdyń qaryshtap damýy úshin talmai eńbek ete bermekpiz", – deidi QR Omartashylar qaýymdastyǵynyń tóraǵasy Valerii Qasymbaev.
Óz kezeginde Erjan Dúsipov bolsa mal sharýashylyǵyn urshyqsha iirgen azamattardyń biri. Qazir bilgenin bala shaǵasyna úiretip, áli de sharýanyń shetinen qalmai keledi. Sebebi mal baqqanǵa bitetinin jaqy túsinedi. Marapatty elý jylǵy eńbeginiń elengeni dep túsinedi.
"Kindik kesken jerim – Samar. Sol samarda búgingi kúni 70-ke kelip otyrmyn, kózimdi ashqaly tek sharýashylyqpen ainalysyp júrmin. Endi búgingi kúni Úkimetten orden alǵanyma sondai qýanyshtymyn", – dedi ol.
Saltanatty jiynda qala tazalyǵyna úles qosyp júrgender de, bilim, sport, jýrnalistika, jeńil ónerkásip salasynyń úzdikteri de umyt qalmady. Olar «Qurmet» ordenimen qatar, «Úshinshi dárejeli Eńbek dańqy», «Eren eńbegi úshin», «Shapaǵat», Qurmet gramotasy syndy marapattarǵa ie boldy.
