كورمەگە National Geographic، «ەگەمەن كازاقستان»، وبلىستىق «ديدار» جانە «رۋدنىي التاي» گازەتتەرىنىڭ فوتوتىلشىلەرى تۇسىرگەن سۋرەتتەر قويىلدى.
شاراعا شقو اكىمىنىڭ ورىنباسارى اسەم ءنۇسىپوۆا قاتىسىپ، كورمەگە ءوز جۇمىستارىن ۇسىنعان جاستارعا تىلەكتەستىك ءبىلدىردى.
«شىعىس-اقپارات» ج ش س مەن كاتونقاراعاي اۋدانى اكىمدىگىنىڭ قولداۋىمەن ۇيىمداستىرىلعان شاراعا كەلگەندەر وبلىستىق «ديدار» گازەتىنىڭ قىزمەتكەرلەرى مەرەي قاينار ۇلى مەن تىلەۋبەك شاياحمەتتىڭ سۋرەتتەرىنە ەرەكشە قىزىعۋشىلىق تانىتتى.
الەۋمەتتىك جەلىدە شىعىستىڭ كورىكتى جەرلەرىنەن جارناماپ، تۋريستىك الەۋەتىن ناسيحاتتاپ جۇرگەن قوس ءتىلشىنىڭ بۇل باسىلىمدا قىزمەت ەتكەندەرىنە ءبىراز جىل ءوتتى.
مەرەي مەن تىلەۋبەكتىڭ «قولتاڭبالارىن» وبلىس تۇرعىندارىمەن قاتار شەتەلدىكتەر دە تانيدى. فوتوكورمەگە العاش رەت جەرگىلىكتى جوو-داعى جۋرناليستيكا فاكۋلتەتىنىڭ ستۋدەنتى ەلناز ابەنعازييەۆا دا قاتىستى.
"بۇل شاراعا شاقىرتۋ الامىن دەپ مۇلدەم ويلامادىم. ءادىل قازىلار مەنىڭ تۋىندىلارىمدى جاقسى باعالادى"، – دەيدى ەلناز.
فوتوكورمەگە العاش قاتىستى تاعى ءبىر جاس نۇرلان بۇلدىرگەن كەلەشەكتە دە وسى كاسىپپەن اينالىسقىسى كەلەتىنىن ايتادى.
"ءومىرىمدى وسى كاسىپپەن بايلانىستىرعىم كەلەدى. شىعىستىڭ تابيعاتىمەن بايلانىستى جوبانى قولعا الۋ ويىمدا بار. شىعىستىڭ كورىكتى جەرلەرىن الەمگە ايگىلەۋىمىز كەرەك"، - دەدى نۇرلان بۇلدىرگەن.
وسكەمەندەگى فوتوكورمە قاراشا ايىنىڭ 8-ىنە دەيىن جالعاسادى. بۇدان كەيىن كورمە سەمەيدە وتەدى.
