Kórmege National Geographic, «Egemen Kazaqstan», oblystyq «Dıdar» jáne «Rýdnyı Altaı» gazetteriniń fototilshileri túsirgen sýretter qoıyldy.
Sharaǵa SHQO ákiminiń orynbasary Ásem Núsipova qatysyp, kórmege óz jumystaryn usynǵan jastarǵa tilektestik bildirdi.
«Shyǵys-aqparat» JSHS men Katonqaraǵaı aýdany ákimdiginiń qoldaýymen uıymdastyrylǵan sharaǵa kelgender oblystyq «Dıdar» gazetiniń qyzmetkerleri Mereı Qaınaruly men Tileýbek Shaıahmettiń sýretterine erekshe qyzyǵýshylyq tanytty.
Áleýmettik jelide Shyǵystyń kórikti jerlerinen jarnamap, týrısik áleýetin nasıhattap júrgen qos tilshiniń bul basylymda qyzmet etkenderine biraz jyl ótti.
Mereı men Tileýbektiń «qoltańbalaryn» oblys turǵyndarymen qatar sheteldikter de tanıdy. Fotokórmege alǵash ret jergilikti JOO-daǵy jýrnalısıka fakúltetiniń stýdenti Elnaz Ábenǵazıeva da qatysty.
"Bul sharaǵa shaqyrtý alamyn dep múldem oılamadym. Ádil qazylar meniń týyndylarymdy jaqsy baǵalady", – deıdi Elnaz.
Fotokórmege alǵash qatysty taǵy bir jas Nurlan Búldirgen keleshekte de osy kásippen aınalysqysy keletinin aıtady.
"Ómirimdi osy kásippen baılanystyrǵym keledi. Shyǵystyń tabıǵatymen baılanysty jobany qolǵa alý oıymda bar. Shyǵystyń kórikti jerlerin álemge áıgileýimiz kerek", - dedi Nurlan Búldirgen.
Óskemendegi fotokórme qarasha aıynyń 8-ine deıin jalǵasady. Budan keıin kórme Semeıde ótedi.
