ناقتىراق ايتقاندا, 80 مىڭعا جۋىق بالانىڭ اتا-اناسى قاۋٸپتٸ ٸندەتتٸڭ ەكپەسٸن الۋعا قارسىلىعىن جوعىن ايتقان.
ەلبەتتە بۇل وسى تاراپتاعى جان-جاقتى, تولىققاندى دەڭگەيدە جٷرگٸزٸلگەن اقپاراتتىق جۇمىستىڭ نەتيجەسٸندە مٷمكٸن بولعان. بٷگٸنگٸ تاڭدا ايماقتاعى بٸلٸكتٸ ەپيدەميولوگتار وسىنشاما بالاعا كوروناۆيرۋس ەكپەسٸن سالۋعا ەزٸر وتىر.
وسى مەسەلەگە قاتىستى تولىمدى اقپارات الىپ, بٸراز جايتقا قانىققان كٶپتەگەن اتا-انالار ەكپەگە قارسىلىعى جوعىن مەلٸمدەمەگەن.
ايتا كەتەلٸك, ەگۋ ناۋقانى بٸرنەشە ساتىدان تۇرادى. العاشقى كەزەڭدە ايماقتاعى 16 مەن 18 جاسار وقۋشىلارعا ۆاكتسينا سالىنادى. كەيٸننەن ەكپەنٸ جاسٶسپٸرٸمدەر مەن جٷكتٸ ەيەلدەر الاتىن بولادى. بۇل مەسەلەدە ۆاكتسيناعا قاتىستى تولىققاندى مەلٸمەت بەرۋ اسا ٶزەكتٸ ەكەنٸن ٸلگەرٸدە ايتتىق. وسىنى ەسكەرگەن شىعىسقازاقستاندىق دەرٸگەرلەر «ەكپەگە قارسىلىعى جوق» اتا-انالاردىڭ تٸزٸمٸن ەزٸرلەۋدە.
مۇنداعى ماقسات ەرتەڭگٸ كٷنگٸ تٷسٸنبەۋشٸلٸكتٸڭ الدىن-الۋ. ۆاكتسيناعا قارسىلىعى جوق اتا-انالاردىڭ قوسىنىن قالىپتاستىرۋ ارقىلى قوعامنىڭ بۇل ناۋقانعا قالاي قارايتىنىن باعامداۋعا بولادى.
اتا-انالارمەن جٷرگٸزٸلگەن اقپاراتتىق جۇمىستىڭ نەتيجەسٸندە 2 مىڭنان اسا وقۋشى مەن كوللەدج جاستارى ۆاكتسينا كەزەگٸنە تۇرعان. مۇندايدا وبلىستاعى مەدمەكەمەلەردٸڭ ناۋقانعا ساقاداي-ساي بولۋى دا ماڭىزدى.
وسىنى ەسكەرگەن ايماق باسشىلىعى ٶڭٸردەگٸ ەمحانالارعا «Pfizer» ۆاكتسيناسىنىڭ 35 مىڭ داناسىن جەدەل جەتكٸزگەن, شىعىسقازاقستاندىق دەرٸگەرلەر بالالارعا ەكپە سالۋ بويىنشا ارنايى دايىندىقتان ٶتكەن.
ال ۆاكتسينادان باس تارتقان بالالارعا ەشقانداي شەكتەۋ قويىلمايدى. ولار بٸلٸم ورداسىنا ەمٸن-ەركٸن كەلٸپ, وقۋىن جالعاستىرا بەرەدٸ.
سوڭعى ۋاقىتتا ٶڭٸردە ۆاكتسيناعا قارسى اتا-انالارعا قاراعاندا, ەكپە الۋدى قولدايتىن اتا-انالاردىڭ قاتارى كٶبەيگەن. ٶسكەمەندەگٸ № 1 ەمحانا دەرٸگەرٸ سەجيدا احمەتقىزىنىڭ دەرەگٸنشە سوڭعى اپتانىڭ ٶزٸندە 12 بالا ۆاكتسينا سالدىرعان.
ال اقپاراتتىق جۇمىس مۇنىمەن توقتاپ قالمايدى. دەرٸگەرلەر ۆاكتسينا سالماس بۇرىن بالانىڭ تولىق تەكسەرۋدەن ٶتەرٸن, تەك سودان كەيٸن بارىپ ەكپە سالۋعا قاتىستى ناقتى شەشٸم قابىلدانارىن اتا-انالاردىڭ قۇلاعىنا قۇيۋدا.
