ءقازىر وسكەمەن قالاسىندا تۇراتىن ميحايل ياكوۆليەۆيچ گولوۆاتيۋك 1944 جىلى اسكەر قاتارىنا شاقىرىلعان، 579-اتقىشتار پولكىنىڭ قۇرامىندا پۋلەمەتشى رەتىندە جاپونياعا قارسى ۇرىستارعا قاتىسقان.
1951 جىلى دەموبيليزاسيادان كەيىن ومبى وبلىسىندا ءبىراز ۋاقىت اكەسىمەن بىرگە تۇرىپ، كەيىن وسكەمەنگە كەتىپ، 30 جىل بويى قورعاسىن-مىرىش كومبيناتىندا (قازىرگى «قازمىرىش») بالقىتۋشى بولىپ جۇمىس ىستەگەن.
ميحايل ياكوۆليەۆيچ ءىى دارەجەلى وتان سوعىسى، داڭق وردەندەرىنىڭ يەگەرى. لەنين، «جاپونيانى جەڭگەنى ءۇشىن» مەدالى، «كەڭەس ارمياسى مەن فلوتىنا 30 جىل» مەرەكەلىك مەدالى، كوپتەگەن مەرەيتويلىق ناگرادالاردىڭ يەگەرى.
تىل ەڭبەككەرلەرى بوقاي سايىلعازين مەن ونىڭ زايىبى سۆەتلانا وبلىس ورتالىعىندا تۇرادى. ەكەۋى دە قيىن-قىستاۋ ەڭبەك جولىن باستان وتكەرىپ، ەڭ قيىن كەزەڭدە تىلدا ناعىز وتان قورعاۋشىلاردىڭ ءبىرى بولعان.
بوقاي اقساقال 1930 جىلى ۇلان اۋدانىنداعى «قىزىل-اسكەر» كولحوزىندا كوپ بالالى وتباسىندا دۇنيەگە كەلگەن. سوعىس جىلدارىندا جانە ودان كەيىن دە سول جەردە جۇمىس ىستەپ، 1950 جىلى قۇرىلىس ۋچيليششەسىنىڭ كۋرستارىن ءبىتىرىپ، كىرپىش قالاۋشى ماماندىعىن العان.
1950-1952 جىلدارى لەنينوگورسك قالاسىنداعى «التايسۆينەسستروي» مەكەمەسىندە جۇمىس ىستەپ، كەيىن «زاۆودسترويعا» اۋىستىرىلدى. 1959 جىلى وسكەمەن قالاسىنا قونىس اۋدارىپ، «ۆوستوك» ستاديونى مەن №7 مەكتەپتىڭ قۇرىلىسىنا قاتىسادى. ونىڭ ايەلى سۆەتلانا دا سوعىس جىلدارىندا كولحوزدا جۇمىس ىستەگەن. اناسىمەن بىرگە مايدانداعى جاۋىنگەرلەرگە قولعاپ، شۇلىق، دوربا توقۋعا كومەكتەستى. ەرلى-زايىپتىلاردىڭ ەكەۋى دە نەمەرە، شوبەرە تاربيەلەپ وتىرعان «تىل ەڭبەككەرى» مارتەبەسىنە يە.
ساپار بارىسىندا الماسحان سماتلايەۆ ارداگەرلەر مەن تىل ەڭبەككەرلەرىنە سىي-سياپات جاساپ، ولاردىڭ بەيبىتشىلىك جولىنداعى ەرلىكتەرىن ەستە ساقتاپ، ۇرپاققا قالدىرۋ ءۇشىن قولدان كەلگەننىڭ ءبارىن جاساۋىمىز كەرەكتىگىن باسا ايتتى.
9 مامىرعا دەيىن شىعىس قازاقستان وبلىسىنىڭ بارلىق ارداگەرلەرىنە 1،5 ملن تەڭگە، تىل ەڭبەككەرلەرىنە 100 000، 50 000 تەڭگە سىيعا تارتىلماعان.
