وسكەمەن قالاسىنداع داڭق مەموريالىندا جالىپى حالىقتىڭ مەرەكە ءوتتى. شىعىس قازاقستان وبلىسى اكىمىنىڭ ءبىرىنشى ورىنباسارى الماسحان سماتلايەۆ بارشا تۇرعىنداردى مەرەكەمەن قۇتتىقتاپ، داڭق مەموريالىنا گۇل شوقتارىن قويىپ، وتان قورعاپ، مەرت بولعان ارداگەرلەردى ەسكە الدى.
– سىزدەردى ۇلى مەرەكە – جەڭىس كۇنىمەن شىن جۇرەكتەن قۇتتىقتايمىن! بۇل كۇنى ءبىز مايدان مەن تىلدا يىق تىرەستىرىپ ەڭبەك ەتكەن ارداگەرلەر مەن تىل ەڭبەككەرلەرىن العىس ايتامىز. ارداگەرلەردىڭ ەرلىگى جاس ۇرپاقتىڭ جادىندا ماڭگى ساقاتالادى. ارداگەرلەرىمىز بەن تىل ەڭبەككەرلەرىنىڭ ارقاسىندا بۇگىندە بەيبىت اسپان استىندا ءومىر ءسۇرىپ، قۋاتتى مەملەكەت قۇرىپ، بولاشاققا سەنىممەن قاراپ وتىرعان جايىمى بار، – دەدى ا.سماتلايەۆ.
اكىمنىڭ ءبىرىنشى ورىنباسارى سوعىس جىلدارى شقو-دان 180 مىڭنان استام مايدانعا شاقىرىلىپ، سولاردىڭ 83 مىڭىنىڭ ۇرىس دالاسىنان ورالماعانىن اتاپ ءوتتى. 109 شىعىسقازاقستاندىق كەڭەس وداعىنىڭ باتىرى اتانسا، 24ء-ى داڭق وردەنىنىڭ تولىق كاۆالەرى اتانعان. 9 مىڭ شىعىسقازاقستاندىق «ەرەن ەڭبەگى ءۇشىن» مەدالىمەن ماراپاتتالدى.
– ءبىزدىڭ بورىشىمىز – باتىرلاردىڭ ەرلىگىن ماڭگى ەستە ساقتاپ، ولاردىڭ رۋحىن قاستەرلەۋ بولىپ تابىلادى. ەلدىڭ ۇلى تاريحىنا، وتكەنىمىزگە، بۇگىنىمىزگە جانە بولاشاعىمىزعا قاتىستىلىعىن سەزىنۋ. ۇلى دا اسەم وتانىمىز – قازاقستان رەسپۋبليكاسىنىڭ ۇرپاقتارى اراسىنداعى بايلانىس بۇرىنعىداي ۇزىلمەسىن. جەرىمىزدە بەيبىتشىلىك پەن كەلىسىم بولسىن! – دەدى شىعىس قازاقستان وبلىسى اكىمىنىڭ ءبىرىنشى ورىنباسارى.
سونىمەن قاتار، كەشكى ۋاقىتتا وبلىس ورتالىعىنىڭ تۇرعىندارى مەن قوناقتارى ءۇشىن ساعات 18.00-دە مەرەكەلىك كونسەرت، 21.00-دە «شام جاعۋ» اكسياسى، 22.00-دە ءداستۇرلى وتشاشۋ بولادى.
شارا بارىسىندا شىعىس قازاقستان وبلىسىنىڭ قۇرمەتتى ازاماتى، قازاقستان رەسپۋبليكاسىنىڭ ەڭبەك سىڭىرگەن ۇستازى، ەڭبەك ارداگەرى لەنستا اۋباكىروۆا بارشا وبلىس تۇرعىندارىن جەڭىس كۇنىمەن قۇتتىقتاپ، بارشاعا زور دەنساۋلىق، باقىت پەن باق-بەرەكە تىلەدى.
«ەرلىگى ءۇشىن، بەيبىتشىلىكتى ساقتاۋ، بولاشاعىمىز ءۇشىن ارداگەرلەرىمىزگە تاعزىم. سىزدەرگە شىن جۇرەكتەن العىس ايتىپ، زور دەنساۋلىق تىلەيمىن!» دەدى وسكەمەن قالاسىنىڭ تۇرعىنى باقىت حابيبۋللينا.
ايتا كەتۋ كەرەك، بۇگىن شىعىس قازاقستاننىڭ تۇكپىر-تۇكپىرىندە گۇل شوقتارى مەن گۇل قويۋ راسىمدەرى ءوتىپ، مەرەكەلىك كونسەرتتەر، اكسيالار مەن چەللەندجدەر ءوتتى.
https://dalanews.kz/news/89066-biyl-shqo-da-242-shaqyrym-zhol-zhondeledi
