Óskemen qalasyndaǵ Dańq memorialynda jalypy halyqtyń mereke ótti. Shyǵys Qazaqstan oblysy ákiminiń birinshi orynbasary Almashan Smatlaev barsha turǵyndardy merekemen quttyqtap, Dańq memorialyna gúl shoqtaryn qoiyp, Otan qorǵap, mert bolǵan ardagerlerdi eske aldy.
– Sizderdi Uly mereke – Jeńis kúnimen shyn júrekten quttyqtaimyn! Bul kúni biz maidan men tylda iyq tirestirip eńbek etken ardagerler men tyl eńbekkerlerin alǵys aitamyz. Ardagerlerdiń erligi jas urpaqtyń jadynda máńgi saqatalady. Ardagerlerimiz ben tyl eńbekkerleriniń arqasynda búginde beibit aspan astynda ómir súrip, qýatty memleket quryp, bolashaqqa senimmen qarap otyrǵan jaiymy bar, – dedi A.Smatlaev.
Ákimniń birinshi orynbasary soǵys jyldary ShQO-dan 180 myńnan astam maidanǵa shaqyrylyp, solardyń 83 myńynyń urys dalasynan oralmaǵanyn atap ótti. 109 shyǵysqazaqstandyq Keńes Odaǵynyń batyry atansa, 24-i Dańq ordeniniń tolyq kavaleri atanǵan. 9 myń shyǵysqazaqstandyq «Eren eńbegi úshin» medalimen marapattaldy.
Sonymen qatar, keshki ýaqytta oblys ortalyǵynyń turǵyndary men qonaqtary úshin saǵat 18.00-de merekelik kontsert, 21.00-de «Sham jaǵý» aktsiiasy, 22.00-de dástúrli otshashý bolady.
Shara barysynda Shyǵys Qazaqstan oblysynyń qurmetti azamaty, Qazaqstan Respýblikasynyń eńbek sińirgen ustazy, eńbek ardageri Lensta Áýbákirova barsha oblys turǵyndaryn Jeńis kúnimen quttyqtap, barshaǵa zor densaýlyq, baqyt pen baq-bereke tiledi.
«Erligi úshin, beibitshilikti saqtaý, bolashaǵymyz úshin ardagerlerimizge taǵzym. Sizderge shyn júrekten alǵys aityp, zor densaýlyq tileimin!» dedi Óskemen qalasynyń turǵyny Baqyt Habibýllina.
Aita ketý kerek, búgin Shyǵys Qazaqstannyń túkpir-túkpirinde gúl shoqtary men gúl qoiý rásimderi ótip, merekelik kontsertter, aktsiialar men chellendjder ótti.
https://dalanews.kz/news/89066-biyl-shqo-da-242-shaqyrym-zhol-zhondeledi
