«ازاماتتارعا ارنالعان ۇكىمەت» مك شقو فيليالىنىڭ مالىمەتىنشە، «ءسۇيىنشى» سىيقورابىنا بوبەكتەرگە قاجەتتى زاتتاردان باسقا، ق ر پرەزيدەنتى قاسىم-جومارت توقايەۆتىڭ قۇتتىقتاۋ تىلەگى جازىلعان اشىق حات، «تاۋەلسىز قازاقستانعا 30 جىل» مونەتاسى مەن بالانىڭ تۋۋى تۋرالى كۋالىگى سالىنعان.
«اينالايىن، بوبەك! سەنىڭ تۋعان كۇنىڭ ەلىمىزدىڭ ەڭ باستى مەرەكەسىمەن تۇسپا-تۇس كەلدى. ءوزىڭ دۇنيە ەسىگىن اشقان كەزدە حالقىمىز قاستەرلى تاۋەلسىزدىگىنىڭ 30 جىلدىعىن اتاپ ءوتىپ جاتتى. ساعان باقىتتى ءارى ۇزاق عۇمىر تىلەيمىن!»، - دەپ جازىلعان پرەزيدەنتتىڭ قۇتتىقتاۋىندا.
16 جانە 17 جەلتوقساندا تۋعان بالالارعا تۋۋ تۋرالى كۋالىكتى الۋ تۋرالى وتىنىمدەردى «ازاماتتارعا ارنالعان ۇكىمەت» مەملەكەتتىك كورپوراسياسىنىڭ قىزمەتكەرلەرى قابىلداپ، ءارى قاراي قازاقستان ازاماتىنىڭ العاشقى قۇجاتىن رەسىمدەۋ ءۇشىن احاج ورگاندارىنا جولداندى.
- قازاقستان رەسپۋبليكاسىنىڭ تاۋەلسىزدىك كۇنى تۋعان سابيلەردىڭ اتا-انالارى مەرەكەنىڭ 30 جىلدىعىنا وراي «ءسۇيىنشى» سىيقوراپتارىن الدى. شقو مەرەكە كۇندەرى 99 بالا دۇنيەگە كەلدى. احات قىزمەتكەرلەرىنە تۋۋ تۋرالى كۋالىكتەرىن راسىمدەگەنى، قازپوشتا قىزمەتكەرلەرىنە «ءسۇيىنشى»-بوكستاردى جەتكىزگەنى، سونداي-اق بارلىق مەديسينا قىزمەتكەرلەرىنە قاجىرلى ەڭبەكتەرى ءۇشىن العىس ايتقىم كەلەدى، - دەيدى «ازاماتتارعا ارنالعان ۇكىمەت» وبلىستىق فيليالىنىڭ ديرەكتورى ازامات ەسەمبۋلوۆ.
16 جەلتوقساندا وبلىستا دۇنيەگە كەلگەن العاشقى بالانىڭ ەسىمى - امىرە.
- ءبىزدىڭ ءۇشىنشى بالامىز 16 جەلتوقسانعا قاراعان ءتۇنى دۇنيەگە كەلدى. ۇيىمداستىرۋشىلارعا كوڭىل ءبولىپ، قۇتتىقتاعاندارى ءۇشىن ۇلكەن راحمەت، - دەپ ءسابيدىڭ اناسى اقەركە بولاتوۆا العىس ءبىلدىردى.
ايتا كەتۋ كەرەك، «ءسۇيىنشى» سىيقوراپتارىن ق ر سيفرلىق دامۋ، يننوۆاسيالار جانە اەروعارىش مينيسترلىگى «ازاماتتارعا ارنالعان ۇكىمەت» مك-مەن بىرگە ق ر ۇلتتىق بانك، سەنتركرەديت بانكى جانە «قازپوشتا» اق قاتىسۋىمەن ۇيىمداستىردى.
