«Azamattarǵa arnalǵan úkimet» MK ShQO filialynyń málimetinshe, «Súiinshi» syiqorabyna bóbekterge qajetti zattardan basqa, QR Prezidenti Qasym-Jomart Toqaevtyń quttyqtaý tilegi jazylǵan ashyq hat, «Táýelsiz Qazaqstanǵa 30 jyl» monetasy men balanyń týýy týraly kýáligi salynǵan.
«Ainalaiyn, bóbek! Seniń týǵan kúniń elimizdiń eń basty merekesimen tuspa-tus keldi. Óziń dúnie esigin ashqan kezde halqymyz qasterli Táýelsizdiginiń 30 jyldyǵyn atap ótip jatty. Saǵan baqytty ári uzaq ǵumyr tileimin!», - dep jazylǵan Prezidenttiń quttyqtaýynda.
16 jáne 17 jeltoqsanda týǵan balalarǵa týý týraly kýálikti alý týraly ótinimderdi «Azamattarǵa arnalǵan úkimet» memlekettik korporatsiiasynyń qyzmetkerleri qabyldap, ári qarai Qazaqstan azamatynyń alǵashqy qujatyn resimdeý úshin AHAJ organdaryna joldandy.
- Qazaqstan Respýblikasynyń Táýelsizdik kúni týǵan sábilerdiń ata-analary merekeniń 30 jyldyǵyna orai «Súiinshi» syiqoraptaryn aldy. ShQO mereke kúnderi 99 bala dúniege keldi. AHAT qyzmetkerlerine týý týraly kýálikterin rásimdegeni, Qazposhta qyzmetkerlerine «Súiinshi»-bokstardy jetkizgeni, sondai-aq barlyq meditsina qyzmetkerlerine qajyrly eńbekteri úshin alǵys aitqym keledi, - deidi «Azamattarǵa arnalǵan úkimet» oblystyq filialynyń direktory Azamat Esembýlov.
16 jeltoqsanda oblysta dúniege kelgen alǵashqy balanyń esimi - Ámire.
- Bizdiń úshinshi balamyz 16 jeltoqsanǵa qaraǵan túni dúniege keldi. Uiymdastyrýshylarǵa kóńil bólip, quttyqtaǵandary úshin úlken rahmet, - dep sábidiń anasy Aqerke Bolatova alǵys bildirdi.
Aita ketý kerek, «Súiinshi» syiqoraptaryn QR Tsifrlyq damý, innovatsiialar jáne aeroǵarysh ministrligi «Azamattarǵa arnalǵan úkimet» MK-men birge QR Ulttyq bank, Tsentrkredit banki jáne «Qazposhta» AQ qatysýymen uiymdastyrdy.
