شىعىس قازاقستان وبلىسىنىڭ 171 مەكتەبٸ الداعى ۋاقىتتا Starlink تەحنولوگيياسى بويىنشا كەڭ جولاقتى ينتەرنەتكە قوسىلادى, دەپ حابارلايدى Dalanews.kz شقو ەكٸمدٸگٸ باسپاسٶز قىزمەتٸنە سٸلتەمە جاساپ.
بۇل تۋرالى وبلىستىق مەسليحاتتىڭ كەزەكتەن تىس سەسسيياسىندا شقو ەكٸمٸ ەرمەك كٶشەرباەۆ مەلٸم ەتتٸ.
ايماق باسشىسىنىڭ ايتۋىنشا, ٶڭٸرٸمٸزگە جەتكٸزٸلگەن زاماناۋي قۇرىلعى الداعى سەۋٸر ايىنان باستاپ ورناتىلا باستايدى. نەتيجەسٸندە شالعايداعى اۋىل حالقى دا ساپالى ينتەرنەتتٸڭ يگٸلٸگٸن كٶرەتٸن بولادى. مۇنداي تەجٸريبە الماتى وبلىسىندا بار ەكەنٸن ايتا كەتكەن جٶن.
Starlink – 2015 جىلدان بەرٸ ٸسكە اسىرىلىپ كەلە جاتقان امەريكالىق SpaceX كومپانيياسىنىڭ جوباسى. ونداعى ماقسات – ەلەمنٸڭ كەز كەلگەن نٷكتەسٸندەگٸ پايدالانۋشىنى جىلدامدىعى جوعارى كەڭ جولاقتى ينتەرنەتپەن قامتاماسىز ەتەتٸن عالامدىق سپۋتنيكتٸك جٷيە قۇرۋ. ول ٷشٸن ەيگٸلٸ يلون ماسكتىڭ كومپانيياسى وربيتاعا 30 مىڭعا جۋىق سپۋتنيك ۇشىرۋدى كٶزدەپ وتىر.
