Shyǵys Qazaqstan oblysynyń 171 mektebi aldaǵy ýaqytta Starlink tehnologiiasy boiynsha keń jolaqty internetke qosylady, dep habarlaidy Dalanews.kz ShQO ákimdigi baspasóz qyzmetine silteme jasap.
Bul týraly oblystyq máslihattyń kezekten tys sessiiasynda ShQO ákimi Ermek Kósherbaev málim etti.
Aimaq basshysynyń aitýynsha, óńirimizge jetkizilgen zamanaýi qurylǵy aldaǵy sáýir aiynan bastap ornatyla bastaidy. Nátijesinde shalǵaidaǵy aýyl halqy da sapaly internettiń igiligin kóretin bolady. Mundai tájiribe Almaty oblysynda bar ekenin aita ketken jón.
Starlink – 2015 jyldan beri iske asyrylyp kele jatqan amerikalyq SpaceX kompaniiasynyń jobasy. Ondaǵy maqsat – álemniń kez kelgen núktesindegi paidalanýshyny jyldamdyǵy joǵary keń jolaqty internetpen qamtamasyz etetin ǵalamdyq spýtniktik júie qurý. Ol úshin áigili Ilon Masktyń kompaniiasy orbitaǵa 30 myńǵa jýyq spýtnik ushyrýdy kózdep otyr.
