قازٸرگٸ تاڭدا قازاق تٸلٸندە بٸلٸم بەرەتٸن بايقوڭىر قالاسىنداعى 5 مەكتەپتە بٷگٸنگٸ كٷنٸ 5 236 بالا بٸلٸم السا, رەسەيلٸك 7 مەكتەپتە 4049 بالا بٸلٸم الادى, ونىڭ 1 508-ٸ, ياعني 37% قازاقستان ازاماتتارىنىڭ بالالارى.
بايقوڭىردا قازٸر رەسەيگە قاراستى 7 مەكتەپ بار. دەپۋتات ولاردىڭ سىيىمدىلىعى تولىق قامتىلماعانىن جەتكٸزدٸ. مۇرات باقتييارۇلىنىڭ ايتۋىنشا, قالا تۇرعىندارىمەن كەزدەسۋ بارىسىندا ورىس تٸلٸندە وقىتاتىن قازاقستاندىق مەكتەپكە سۇرانىستىڭ جوعارى ەكەنٸن ەسكەرٸپ, وسى 7 مەكتەپتٸڭ بٸرٸن مەملەكەت مەنشٸگٸنە ٶتكٸزۋدٸ سۇرادى.
– بۇل جاعداي, رەسەيلٸك مەكتەپتە وقيتىن بالالاردىڭ مەكتەپ بٸتٸرگەننەن سوڭ ۇبت-عا قاتىسۋىنا جەنە قازاقستاندىق جوعارى وقۋ ورىندارىنا تٷسۋٸنە كٶپ كەدەرگٸ كەلتٸرۋدە. سەبەبٸ ەمتيحاننىڭ مٸندەتتٸ پەندەرٸ – قازاقستان تاريحى, قازاق تٸلٸ, قازاق ەدەبيەتٸ ول مەكتەپتەردە وقىتىلمايدى, – دەدٸ سەناتور.
وسىلايشا بايقوڭىردىڭ ورتالىق اۋداندارىندا رەسەي فەدەراتسيياسىنىڭ مەنشٸگٸندەگٸ, سىيىمدىلىعى تولىق پايدالانىلماي تۇرعان 13 بالاباقشا بار ەكەن. دەپۋتات حالىقتىڭ بٸرنەشە بالاباقشانى مەملەكەتتٸك يۋريسديكتسيياعا ٶتكٸزۋ تالابى ورىندى دەپ سانايدى.
– ولار قازاقستان اۋماعىندا تۋىپ-ٶسكەنٸمەن, ٶز جەرٸندە تۇرىپ, مەنٸڭ وتانىم – رەسەي, مەنٸڭ استانام – مەسكەۋ دەپ, رەسەيدٸڭ ارعى-بەرگٸ تاريحىن, تٸلٸ مەن ەدەبيەتٸن وقىپ, ەرينە رەسەيلٸك پاتريوتيزم رۋحىندا تەربيەلەنەدٸ. ايتا ٶتۋٸمٸز كەرەك, بٸز جەرٸمٸزدٸ جالعا بەرگەنٸمٸزبەن, سول جەردە تۇرىپ جاتقان حالقىمىزدى جالعا بەرگەن جوقپىز عوي, – دەدٸ مۇرات باقتييارۇلى.
سەناتور ٷكٸمەت باسشىسىنان بايقوڭىر قالاسى تۇرعىندارىنىڭ بٸلٸم بەرۋ سالاسىنا قاتىستى وسى تٷيتكٸلدٸ مەسەلەسٸن باستى نازارعا الىپ, وڭ شەشٸلۋٸنە ىقپال ەتۋٸن سۇرادى.
