بەلگىلى ايتىسكەر اينۇر تۇرسىنبايەۆانىڭ كۇيەۋى نۇرجان يمانالييەۆ «ديكيي ارمانعا» قولداۋ ءبىلدىردى، دەپ حابارلايدى Dalanews.kz.
«بۇگىن ارمان باۋىرىمىزعا جانە ونىڭ جانىنداعى باۋىرلارىمىزعا قاتىستى قاتاڭ ۇكىم شىقتى. بۇل جۇرەگىمىزگە اۋىر تيسە دە، ءبىز مۇسىلمان رەتىندە اللا تاعالانىڭ سىناقتارىنا سابىر ەتىپ، ءار نارسەنىڭ حيكمەتىن تۇسىنۋگە تىرىسامىز. اللا تاعالا جۇرەگىمىزگە سابىر بەرىپ، بۇل قيىنشىلىقتى جەڭۋگە كۇش-قۋات ءناسىپ ەتسىن!
سابىر – مۇسىلماننىڭ ەڭ اسەم قاسيەتتەرىنىڭ ءبىرى. اللا ەلشىسى (وعان اللانىڭ سالاۋاتى مەن سالەمى بولسىن): «مۇسىلماننىڭ جاعدايى قانداي كەرەمەت! ونىڭ ءاربىر ءىسى قايىرلى، ال مۇنداي جاعداي تەك مۇمىنگە عانا ءتان. ەگەر وعان ءبىر قۋانىش كەلسە، شۇكىرشىلىك ەتەدى، بۇل – ونىڭ يگىلىگىنە. ال ەگەر وعان ءبىر سىناق كەلسە، سابىر ەتەدى، بۇل دا – ونىڭ يگىلىگىنە» (مۋسليم).
ارمان باۋىرىمىز بەن ونىڭ وتباسىسىنا بۇل سىناق ۇلكەن ەمتيحان ەكەنى ءسوزسىز. ءبىراق ءاربىر قيىندىقتىڭ ارتىندا جەڭىلدىك بار ەكەنىن ۇمىتپايىق. اللا تاعالا بىلاي دەيدى: «شىنىندا، قيىندىقپەن بىرگە ءبىر جەڭىلدىك بار. انىعىندا، قيىندىقپەن بىرگە ءبىر جەڭىلدىك بار» (ينشيراح سۇرەسى، 5-6-اياتتار).
بۇل ساتتە ءبىز باۋىرلارىمىزعا تەك قولداۋ كورسەتىپ قانا قويماي، دۇعادا بولۋىمىز كەرەك. اللا تاعالا بارلىعىمىزعا سابىر مەن يمان بەرسىن، بۇل سىناقتىڭ اقىرىن جاقسىلىققا اينالدىرسىن. ارمان باۋىرىمىز بەن ونىڭ وتباسىنا اللانىڭ مەيىرىمى جاۋىپ، جۇرەكتەرىنە تىنىشتىق ءناسىپ ەتكەي»، - دەپ جازدى ول.
ەسكە سالايىق، بۇعان دەيىن ديكيي ارماننىڭ ايەلى كۇيەۋىنىڭ 20 جىلعا سوتتالۋىنا قاتىستى ويىن جازعان بولاتىن.
"ۇكىم وسىنداي بولاتىنىن ءبىلدىم، ءبىراق كەشە كوزىم جەتتى. سوندا دا ءۇمىتىم بولدى. مەنىڭ دە، ونىڭ دا ەڭسەسى تۇسپەگەنىن بىلسەڭىزدەر ەكەن دەپ جازىپ وتىرمىن. 20 جىل دەگەن نە ول؟ ونىڭ ءۇش جىلى ءوتىپ كەتتى، 17 جىلى قالدى.
باستاپقىدا ونىمەن كەزدەسۋگە رۇقسات بەرگەن كەزدە ەڭسەسى ءتۇسىپ، ءومىر سۇرگىسى كەلمەي كەتكەنىن بايقادىم. سول كەزدە مەن ونى قۇشاقتاپ، "ال ءبىز شە؟ ءبىزدىڭ قىزىمىز شە؟" دەپ سۇرادىم. ول كۇلىمسىرەپ، "ءيا، دۇرىس ايتاسىڭ" دەدى. ءالى قىزىمىزدى ۇزاتۋىمىز كەرەك. وسى وي ونىڭ جۇرەگىنە جىلۋ سىيلادى. وسى ويمەن ءومىر ءسۇردى. قىزىمىزدىڭ سۋرەتتەرىن قاراپ، ول تۋرالى اڭگىمەلەردى تىڭداعاندى جاقسى كورەدى. قىزىمىز ءالى كىشكەنتاي ءارى ازىرگە ەشتەڭەنى تۇسىنبەيتىنى قانداي جاقسى. باسقا ايتارىم جوق"، دەيدى ايكول.
ەسكە سالايىق، 27 قاڭتاردا ارمان جۇماگەلدييەۆتىڭ قىلمىستىق توبى الماتى قالاسىندا جاپپاي تارتىپسىزدىكتەر ۇيىمداستىرۋ جانە ازاماتتاردى ۇرلاپ اكەتۋ بويىنشا ايىپتالىپ، سوتتالدى.
سوت شەشىمىمەن جۇماگەلدييەۆ ق ر قك-نىڭ بىرنەشە باپتارى بويىنشا كىنالى دەپ تانىلىپ، 20 جىلعا باس بوستاندىعىنان ايىرىلدى. ىسقاقوۆ – 15،6 جىل، قۇدايبەرگەن – 8 جىل، توپ مۇشەلەرى – 10-15،5 جىلعا، باسقا قاتىسۋشىلار – 1،5-7 جىلعا سوتتالدى.
ۇكىم زاڭدى كۇشىنە ەنگەن جوق.
