جالپى قوعامدىق قابىلداۋ بارىسىندا قابىلداۋعا جازىلعان 15 ازامات جەكە جانە اۋدان كولەمىندەگى شەشىمىن تاپپاي كەلە جاتقان كۇردەلى ماسەلەلەر بويىنشا ارىز-شاعىمدارىن جەتكىزدى. 4 ازاماتتىڭ كوتەرگەن ماسەلەلەرى سول ساتتە وڭ شەشىمىن تاپتى.
اتاپ ايتقاندا كارىمبەردى اقمولدايەۆتىڭ ايتۋىنشا، دوستىق ەلدى مەكەنىندەگى №59 جالپى ورتا مەكتەبىنىڭ عيماراتى 1999 جىلى اۋىل تۇرعىندارىنىڭ كۇشىمەن اسارلاتىپ سالىنعان. 150 بالاعا ارناپ سالىنعان مەكتەپتە ءقازىر 535 وقۋشى ءبىلىم الۋدا. مەكتەپ عيماراتىنىڭ ابدەن توزىعى جەتكەندىكتەن، عيماراتىن زامان تالابىنا ساي جاڭادان سالۋ قاجەت. ارىزدانۋشى تۇرعىنعا №59 جالپى ورتا مەكتەبىنىڭ عيماراتىن جاڭادان سالۋ ءۇشىن قاجەتتى جەر تەلىمى بەلگىلەنىپ، جوبالىق-سمەتالىق قۇجاتى مەملەكەتتىك ساراپتامادان شىققانى ايتىلدى. بۇگىنگى تاڭدا مەكتەپ قۇرىلىسىنا 1،148 ملن قارجى قاراستىرىلعان. ياعني، مەكتەپ جاقىندا سالىنادى.
ليليا گابيدۋلينا اۋدانعا وزگە مەملەكەتتەن تاريحي وتانىنا قونىس اۋدارعان قانداستارىمىزدىڭ ازاماتتىق الۋى، قۇجاتتارىن بەلگىلەنگەن ۋاقىتتا الا الماۋى وزەكتى ەكەنىن ايتتى. بۇل ءوتىنىش شەشىمىن تاۋىپ، وبلىستىق مەكەمە باسشىلارى تاراپىنان كومەك كورسەتىلدى.
تاڭاتار قولداسوۆ جەكە مەنشىك مەكتەپ اشۋ ءۇشىن كاسىپكەرلەر پالاتاسى ارقىلى اگروقاراجات ۇيىمىنان نەسيە الۋعا قۇجاتتارىن تاپسىرعان. ءبىراق سول مەكتەپكە ليسەنزيا الا الماي ءجۇر. بۇل تۇرعىنعا اۋداندىق ءبىلىم ءبولىمىنىڭ ىقپالىمەن «ە-ليسەنزيا» بازاسى ارقىلى ليسەنزيا الۋ ءۇشىن قۇجاتتارى راسىمدەلەتىن بولدى.
امانكەلدى بەلقوجا قابلانبەك اۋىلدىق وكرۋگى، قاناعات ەلدى مەكەنىنە تابيعي گاز قوسۋ ماسەلەسىن كوتەردى. وعان اتالعان ەلدى مەكەندى تابيعي گازبەن قامتاماسىز ەتۋ قۇرىلىس جۇمىستارى اياقتالعانى حابارلاندى. وتىنىشكە سايكەس، 172 تۇرعىن ءۇيدى تابيعي گازعا قوسۋ ماسەلەسى 2 اپتا كولەمىندە شەشىلەتىن بولدى.
قوعامدىق قابىلداۋ بارىسىندا وزگە دە ازاماتتاردىڭ ماسەلەلەرى بويىنشا ءتيىستى دەپارتامەنت جانە باسقارما باشسىلارى مەن اۋداندىق ءبولىم جانە مەكەمە باسشىلارى جاۋاپ بەردى. سونداي-اق، اۋدان اكىمى، اۋداندىق فيليال ءتوراعاسى مۇحيت وتارشييەۆ پەن اۋدان پروكۋرورى جومارت نۇرعالي قابىلداۋعا كەلگەن ازاماتتارعا تولىققاندى زاڭ اياسىندا تۇسىنىكتەمەلەرىن بەردى. وبلىستىق فيليال ءتوراعاسىنىڭ ءبىرىنشى ورىنباسارى بەيسەن تاجىبايەۆ كوشپەلى قوعامدىق قابىلداۋ جيىنىن قورىتا كەلە كوتەرىلگەن ماسەلەلەر پارتيا باقىلاۋىندا بولاتىنىن جەتكىزدى.
كوشپەلى قوعامدىق قابىلداۋ بارىسى «Facebook» الەۋمەتتىك جەلىسىندە تىكەلەي كورسەتىلىپ، اۋداندىق «ءسات» تەلەارناسى ارقىلى ءتۇسىرىلدى. ماسەلەسى وڭ شەشىم تاپقان ازاماتتار تەلەارنا ارقىلى العىستارىن جەتكىزدى.
«Nur Otan» پارتياسى تۇركىستان وبلىستىق فيلتالىنىڭ باسپا ءسوز قىزمەتى
