Jalpy Qoǵamdyq qabyldaý barysynda qabyldaýǵa jazylǵan 15 azamat jeke jáne aýdan kólemindegi sheshimin tappaı kele jatqan kúrdeli máseleler boıynsha aryz-shaǵymdaryn jetkizdi. 4 azamattyń kótergen máseleleri sol sátte oń sheshimin tapty.
Atap aıtqanda Kárimberdi Aqmoldaevtyń aıtýynsha, Dostyq eldi mekenindegi №59 jalpy orta mektebiniń ǵımaraty 1999 jyly aýyl turǵyndarynyń kúshimen asarlatyp salynǵan. 150 balaǵa arnap salynǵan mektepte qazir 535 oqýshy bilim alýda. Mektep ǵımaratynyń ábden tozyǵy jetkendikten, ǵımaratyn zaman talabyna saı jańadan salý qajet. Aryzdanýshy turǵynǵa №59 jalpy orta mektebiniń ǵımaratyn jańadan salý úshin qajetti jer telimi belgilenip, jobalyq-smetalyq qujaty memlekettik saraptamadan shyqqany aıtyldy. Búgingi tańda mektep qurylysyna 1,148 mln qarjy qarastyrylǵan. Iaǵnı, mektep jaqynda salynady.
Lılıa Gabıdýlına aýdanǵa ózge memleketten tarıhı Otanyna qonys aýdarǵan qandastarymyzdyń azamattyq alýy, qujattaryn belgilengen ýaqytta ala almaýy ózekti ekenin aıtty. Bul ótinish sheshimin taýyp, oblystyq mekeme basshylary tarapynan kómek kórsetildi.
Tańatar Qoldasov jeke menshik mektep ashý úshin kásipkerler palatasy arqyly agroqarajat uıymynan nesıe alýǵa qujattaryn tapsyrǵan. Biraq sol mektepke lısenzıa ala almaı júr. Bul turǵynǵa aýdandyq bilim bóliminiń yqpalymen «E-lısenzıa» bazasy arqyly lısenzıa alý úshin qujattary rásimdeletin boldy.
Amankeldi Belqoja Qablanbek aýyldyq okrýgi, Qanaǵat eldi mekenine tabıǵı gaz qosý máselesin kóterdi. Oǵan atalǵan eldi mekendi tabıǵı gazben qamtamasyz etý qurylys jumystary aıaqtalǵany habarlandy. Ótinishke sáıkes, 172 turǵyn úıdi tabıǵı gazǵa qosý máselesi 2 apta kóleminde sheshiletin boldy.
Qoǵamdyq qabyldaý barysynda ózge de azamattardyń máseleleri boıynsha tıisti departament jáne basqarma bashsylary men aýdandyq bólim jáne mekeme basshylary jaýap berdi. Sondaı-aq, aýdan ákimi, aýdandyq fılıal tóraǵasy Muhıt Otarshıev pen aýdan prokýrory Jomart Nurǵalı qabyldaýǵa kelgen azamattarǵa tolyqqandy zań aıasynda túsiniktemelerin berdi. Oblystyq fılıal tóraǵasynyń Birinshi orynbasary Beısen Tájibaev kóshpeli qoǵamdyq qabyldaý jıynyn qoryta kele kóterilgen máseleler partıa baqylaýynda bolatynyn jetkizdi.
Kóshpeli qoǵamdyq qabyldaý barysy «Facebook» áleýmettik jelisinde tikeleı kórsetilip, aýdandyq «Sát» telearnasy arqyly túsirildi. Máselesi oń sheshim tapqan azamattar telearna arqyly alǵystaryn jetkizdi.
«Nur Otan» partıasy Túrkistan oblystyq fıltalynyń baspasóz qyzmeti
