بوكستان وليمپيادا چەمپيونى سەرىك ساپييەۆ ورىنباسارىمەن بولعان توبەلەسكە قاتىستى تاعى ءبىر مالىمدەمە جاسادى، دەپ حابارلايدى Dalanews.kz.
ساپييەۆ قازاقستاندىقتارعا قولداۋ بىلدىرگەنىنە العىس ايتتى.
"بولعان وقيعاعا قاتىستى ناقتى ايتا كەتكىم كەلەدى: بۇل جەكە نەمەسە تۇرمىستىق جانجال ەمەس. ايماقتا جاسىرىن ىقپالى بار كەيبىر ادامدار تاراپىنان قارسىلىققا تاپ بولدىم. وبلىستىق سپورت ۇيىمدارىنىڭ باسشىلارىن زاڭسىز روتاسيالاۋعا ارەكەت جاسالىپ، وعان مەنىڭ ورىنباسارىم دا قاتىسقان. مەن بۇل زاڭسىز ارەكەتتەردى توقتاتتىم، سونىڭ سالدارى وسى جاعدايعا اكەلدى. اشىق مالىمدەيمىن: مەملەكەت باسشىسى ايتقانداي، قازاقستاندىق سپورتتاعى جۇيەلى رەفورمالاردى جۇزەگە اسىرۋ جولىنداعى مۇنداي ارانداتۋشىلىقتار ءبىزدىڭ شەشىمىمىزدى شايقالتپايدى"، - دەيدى ساپييەۆ.
ەسكە سالايىق، بۇعان دەيىن سەرىك ساپييەۆ سوققىعا جىعىلىپ، ورىنباسارى تەرگەۋگە الىنعانىن حابارلاعان ەدىك.
ارتىنشا جەلىدە وقيعانىڭ ۆيدەوسى تارادى. سەرىك ساپييەۆ سول كۇنى داۋلى وقيعاعا بايلانىستى مالىمدەمە جاساعان ەدى.
بۇل وقيعاعا بايلانىستى قاراعاندىنىڭ سپورت باسقارماسىندا اۋديت جۇرگىزىلەدى.
