Bokstan Olımpıada chempıony Serik Sápıev orynbasarymen bolǵan tóbeleske qatysty taǵy bir málimdeme jasady, dep habarlaıdy Dalanews.kz.

Sápıev qazaqstandyqtarǵa qoldaý bildirgenine alǵys aıtty. 

"Bolǵan oqıǵaǵa qatysty naqty aıta ketkim keledi: bul jeke nemese turmystyq janjal emes. Aımaqta jasyryn yqpaly bar keıbir adamdar tarapynan qarsylyqqa tap boldym. Oblystyq sport uıymdarynyń basshylaryn zańsyz rotasıalaýǵa áreket jasalyp, oǵan meniń orynbasarym da qatysqan. Men bul zańsyz áreketterdi toqtattym, sonyń saldary osy jaǵdaıǵa ákeldi. Ashyq málimdeımin: Memleket basshysy aıtqandaı, qazaqstandyq sporttaǵy júıeli reformalardy júzege asyrý jolyndaǵy mundaı arandatýshylyqtar bizdiń sheshimimizdi shaıqaltpaıdy", - deıdi Sápıev. 

Eske salaıyq, buǵan deıin Serik Sápıev soqqyǵa jyǵylyp, orynbasary tergeýge alynǵanyn habarlaǵan edik. 

Artynsha jelide oqıǵanyń vıdeosy tarady. Serik Sápıev sol kúni daýly oqıǵaǵa baılanysty málimdeme jasaǵan edi. 

Bul oqıǵaǵa baılanysty Qaraǵandynyń Sport basqarmasynda aýdıt júrgiziledi.