ەنەرگەتيكا مينيسترلٸگٸ ەنەرگەتيكالىق قاداعالاۋ جەنە باقىلاۋ كوميتەتٸنٸڭ شىعىس قازاقستان اۋماقتىق دەپارتامەنتٸنٸڭ ٶكٸلدەرٸ جىلىتۋ ماۋسىمىنا دايىندىق كەزٸندە ريددەردەگٸ جەو-عا اياق باسقان ەمەس.
شىعىس قازاقستان وبلىسىنىڭ ەكٸمٸ دانيال احمەتوۆتىڭ تٶراعالىعىمەن ٶتكەن كەڭەستە ۆەدومستۆو ماماندارى جىلۋ ورتالىعىنداعى ناقتى جاعدايدى كٶرمەي, ٶز قىزمەتٸن قاعازباستىلىق پەن جەنە قاعاز جٷزٸندە جاۋاپ بەرۋمەن عانا شەكتەگەنٸ بەلگٸلٸ بولدى.
ال 15 قىركٷيەكتە وبلىستىق اۋماقتىق دەپارتامەنتتٸڭ ٶكٸلٸ ەنەرگەتيكا مينيسترلٸگٸنە ريددەر قالاسىنداعى جەو جىلىتۋ ماۋسىمىنا تولىق دايىن ەكەندٸگٸ تۋرالى حات جولداعان.
"دەر كەزٸندە جەو جىلىتۋ ماۋسىمىنا دايىن ەمەس ەكەندٸگٸ جايلى, ونداعى قۇرىلعىلاردىڭ اۋىر جاعدايى تۋرالى دابىل قاعۋدىڭ, پروكۋراتۋراعا جەنە باسقادا ورگاندارعا جٷگٸنۋدٸڭ ورنىنا, ۆەدومستۆو بٸرنەشە كٸشٸگٸرٸم ەكٸمشٸلٸك ايىپپۇلدارمەن شەكتەلگەن. بۇنى مەن ەرەكەتسٸزدٸك جەنە نەمقۇرايلىق دەر ەدٸم», - دەدٸ دانيال احمەتوۆ.
ەنەرگەتيكا مينيسترلٸگٸ ەنەرگەتيكالىق قاداعالاۋ جەنە باقىلاۋ كوميتەتٸنٸڭ شقو بويىنشا اۋماقتىق دەپارتامەنت ٶكٸلٸ ەركەبۇلان سەرگەباەۆ كەڭەستە, قالىپتاسقان جاعداي الدىندا ٶزٸنٸڭ دەرمەنسٸزدٸگٸن مويىنداپ, ريددەردەگٸ جەو باسشىلىعى "№4,5 قازاندىقتار جٶندەلدٸ" دەگەن جالعان حات جٸبەرگەنٸن مويىنداپ, سول ارقىلى باسقارمانى جاڭىلىستىرعانىن, ال قازاندىقتار اپاتتى جاعدايدا ەكەنٸن جاسىرعانىن جەتكٸزدٸ.
سونىمەن قاتار, ستانتسييا باسشىلارى توراپتاعى باقىلاۋ-ٶلشەۋ قۇرالدارىندا ورىن العان ٶرت تۋرالى اقپاراتتى دا جاسىرعان بولىپ شىقتى.
بٸراق ەگەر دەپارتامەنتتٸڭ كەم دەگەندە بٸر ٶكٸلٸ جەو-عا بٸر رەت كەلٸپ, قوندىرعىلار مەن اگرەگاتتاردىڭ كٶپشٸلٸگٸ قانداي جاعدايدا ەكەنٸنە كٶز جٷگٸرتٸپ, باقىلاۋ جاساسا, اپاتتىڭ الدىن الار ەدٸ, تۇرعىندار قىس مەزگٸلٸندە جىلۋسىز قالماس ەدٸ.
ولار تەك جەو باسشىلارى بەرگەن اقپاراتقا سەنٸپ وتىرعان. ولار بٸزدٸڭ ەلٸمٸزدەگٸ باسقا ەنەرگونىسانداردى تەكسەرۋگە مۇنداي كٶزقاراسپەن قاراسا, نە بولۋى مٷمكٸن ەكەنٸن ەلەستەتۋدٸڭ ٶزٸ قورقىنىشتى.
"ۆەدومستۆو ٶزٸنٸڭ ەرەكەتسٸزدٸگٸمەن 60 مىڭعا جۋىق حالقى بار قالانى قيىن جاعدايعا دۋشار ەتتٸ. مەن مۇنداي جاۋاپسىز, ٶز ٸسٸنە نەمقۇرايلى قارايتىن شەنەۋنٸكتەرگە مەملەكەتتٸك قىزمەتتە ورىن جوق ەكەنٸنە سەنٸمدٸمٸن", – دەدٸ شىعىس قازاقستان وبلىسىنىڭ ەكٸمٸ.
https://dalanews.kz/news/84255-zangdy-qoqys-poligondarynyng-tapshylyg
