Energetika ministrligi Energetikalyq qadaǵalaý jáne baqylaý komitetiniń Shyǵys Qazaqstan aýmaqtyq departamentiniń ókilderi jylytý maýsymyna daiyndyq kezinde Ridderdegi JEO-ǵa aiaq basqan emes.
Shyǵys Qazaqstan oblysynyń ákimi Danial Ahmetovtyń tóraǵalyǵymen ótken keńeste vedomstvo mamandary jylý ortalyǵyndaǵy naqty jaǵdaidy kórmei, óz qyzmetin qaǵazbastylyq pen jáne qaǵaz júzinde jaýap berýmen ǵana shektegeni belgili boldy.
Al 15 qyrkúiekte oblystyq aýmaqtyq departamenttiń ókili Energetika ministrligine Ridder qalasyndaǵy JEO jylytý maýsymyna tolyq daiyn ekendigi týraly hat joldaǵan.
"Der kezinde JEO jylytý maýsymyna daiyn emes ekendigi jaily, ondaǵy qurylǵylardyń aýyr jaǵdaiy týraly dabyl qaǵýdyń, prokýratýraǵa jáne basqada organdarǵa júginýdiń ornyna, vedomstvo birneshe kishigirim ákimshilik aiyppuldarmen shektelgen. Buny men áreketsizdik jáne nemqurailyq der edim», - dedi Danial Ahmetov.
Energetika ministrligi Energetikalyq qadaǵalaý jáne baqylaý komitetiniń ShQO boiynsha aýmaqtyq departament ókili Erkebulan Sergebaev keńeste, qalyptasqan jaǵdai aldynda óziniń dármensizdigin moiyndap, Ridderdegi JEO basshylyǵy "№4,5 qazandyqtar jóndeldi" degen jalǵan hat jibergenin moiyndap, sol arqyly basqarmany jańylystyrǵanyn, al qazandyqtar apatty jaǵdaida ekenin jasyrǵanyn jetkizdi.
Sonymen qatar, stantsiia basshylary toraptaǵy baqylaý-ólsheý quraldarynda oryn alǵan órt týraly aqparatty da jasyrǵan bolyp shyqty.
Biraq eger Departamenttiń kem degende bir ókili JEO-ǵa bir ret kelip, qondyrǵylar men agregattardyń kópshiligi qandai jaǵdaida ekenine kóz júgirtip, baqylaý jasasa, apattyń aldyn alar edi, turǵyndar qys mezgilinde jylýsyz qalmas edi.
Olar tek JEO basshylary bergen aqparatqa senip otyrǵan. Olar bizdiń elimizdegi basqa energonysandardy tekserýge mundai kózqaraspen qarasa, ne bolýy múmkin ekenin elestetýdiń ózi qorqynyshty.
"Vedomstvo óziniń áreketsizdigimen 60 myńǵa jýyq halqy bar qalany qiyn jaǵdaiǵa dýshar etti. Men mundai jaýapsyz, óz isine nemquraily qaraityn sheneýnikterge memlekettik qyzmette oryn joq ekenine senimdimin", – dedi Shyǵys Qazaqstan oblysynyń ákimi.
https://dalanews.kz/news/84255-zangdy-qoqys-poligondarynyng-tapshylyg
