وبلىستىق دەنساۋلىق ساقتاۋ باسقارماسى جانە سالاۋاتتى ءومىر سالتىن قالىپتاستىرۋ ورتالىعى ۇيىمداستىرعان شارادا 200-دەن استام تۇركىستاندىقتار ساناۋلى ساعاتتاردا وزدەرىنە قاجەتتى مەديسينالىق كومەك تۇرلەرىن الا الدى.
ال دارىگەرلەر قاۋىمى كەڭەس بەرۋدەن بولەك، اكسياعا قاتىسقانداردان كىشى زەرتحانالىق سىنامالار دا الدى.
تۇركىستان قالاسىنداعى ساۋدا ورتالىعىندا وسى كۇنى كەلۋشىلەردىڭ قاتارى ادەتتەگىدەن الدەقايدا كوپ بولدى. ولاردىڭ كوپشىلىگى — ساۋدا جاساۋعا ەمەس، دارىگەرگە كورىنۋگە كەلگەندەر ەكەنى بەلگىلى. ەمحاناعا بارىپ كەزەك كۇتپەي-اق، ءارى جولداماسىز اق حالاتتىلاردىڭ قابىلداۋىندا بولدى. سولاردىڭ ءبىرى — تورەبەك جاراس ۇلى. ازامات وسىناۋ اكسيا اياسىندا ويىندا جۇرگەن ءتورت دارىگەردىڭ قابىلداۋىندا بولدى، قانت مولشەرىن دە تەكسەرتىپ الدى.
سونداي-اق، وسى شارا اياسىندا دارىگەرلەر ءتۇرلى جاعدايلاردا العاشقى مەديسينالىق كومەك كورسەتۋ بويىنشا شەبەرلىكتى شىڭداۋ دارىستەرىن وتكىزدى.
جەدەل جاردەم قىزمەتىندە جۇرگەن ماماندار ءار قيمىل-ارەكەتتەرىن دارىگەرلەرمەن بىرگە كورسەتتى. قاي قىزمەتتىڭ تەگىن كورسەتىلۋى ءتيىس ەكەنىن دە ءتۇسىندىردى.
جالپى اكسيا بارىسىندا دارىگەرلەردىڭ قابىلداۋىنان 200-دەن استام تۇرعىن ءوتتى. ولاردىڭ بارلىعى دا اعزاسىنداعى قانت مولشەرىن، حولەستەرين جانە قان قىسىمىن ولشەتۋگە اسىقتى. جاستار جاعى ۇيىمداستىرۋشىلارمەن بىرىگىپ «فلەشموب» وتكىزدى.
