"The Finiko" قارجى پيراميداسىنىڭ قۇرىلىمدىق بٶلٸمشەسٸن باسقاردى دەگەن كٷدٸككە ٸلٸنگەن تۇلعا تٷركييادان قازاقستانعا قايتارىلدى, دەپ حابارلايدى dalanews.kz.
قارجىلىق مونيتورينگ اگەنتتٸگٸنٸڭ مەلٸمەتٸنشە, كٷدٸكتٸ 2022 جىلدان بەرٸ حالىقارالىق ٸزدەۋدە بولعان. ونى قازاقستانعا جەتكٸزۋ وپەراتسيياسىنا الماتى قالاسى بويىنشا قما دەپارتامەنتٸ, ينتەرپولدىڭ ۇلتتىق ورتالىق بيۋروسى جەنە پروكۋراتۋرا ورگاندارى قاتىسقان.
تەرگەۋ دەرەگٸنشە, "The Finiko" ناقتى كەسٸپكەرلٸك نەمەسە ينۆەستيتسييالىق قىزمەتپەن اينالىسپاعان. بۇرىن تارتىلعان قاتىسۋشىلارعا تٶلەم جاڭا سالىمشىلاردان تٷسكەن قاراجات ەسەبٸنەن جٷرگٸزٸلگەن.
وسى سحەما ارقىلى تابىس تٷسٸپ جاتقانداي ەسەر قالىپتاستىرىلىپ, ازاماتتاردان جاڭا قاراجات تارتۋ جالعاسقان.
قما مەلٸمەتٸ بويىنشا, كٷدٸكتٸنٸڭ ەرەكەتٸ سالدارىنان قارجى پيراميداسىنا 160 ملن تەڭگەدەن استام سالىمشى قاراجاتى تارتىلعان.
سونىمەن قاتار سوتقا دەيٸنگٸ تەركٸلەۋ اياسىندا كٷدٸكتٸگە تيەسٸلٸ, قۇنى 221 ملن تەڭگە بولاتىن جەر تەلٸمٸ مەملەكەت كٸرٸسٸنە الىنعان.
بۇعان دەيٸن وسى قىلمىستىق ٸس بويىنشا ٷش ادام سوتتالىپ, ولارعا مٷلكٸن تەركٸلەۋمەن بٸرگە التى جىلعا دەيٸن باس بوستاندىعىنان ايىرۋ جازاسى تاعايىندالعان.
قازٸرگٸ ۋاقىتتا تەرگەۋ جالعاسىپ جاتىر. قما قىلمىستىق-پروتسەستٸك كودەكستٸڭ 201-بابىنا سەيكەس ٶزگە اقپارات جارييا ەتٸلمەيتٸنٸن مەلٸمدەدٸ.
