Oblystyq densaýlyq saqtaý basqarmasy jáne salaýatty ómir saltyn qalyptastyrý ortalyǵy uiymdastyrǵan sharada 200-den astam túrkistandyqtar sanaýly saǵattarda ózderine qajetti meditsinalyq kómek túrlerin ala aldy.
Al dárigerler qaýymy keńes berýden bólek, aktsiiaǵa qatysqandardan kishi zerthanalyq synamalar da aldy.
Túrkistan qalasyndaǵy saýda ortalyǵynda osy kúni kelýshilerdiń qatary ádettegiden áldeqaida kóp boldy. Olardyń kópshiligi — saýda jasaýǵa emes, dárigerge kórinýge kelgender ekeni belgili. Emhanaǵa baryp kezek kútpei-aq, ári joldamasyz aq halattylardyń qabyldaýynda boldy. Solardyń biri — Tórebek Jarasuly. Azamat osynaý aktsiia aiasynda oiynda júrgen tórt dárigerdiń qabyldaýynda boldy, qant mólsherin de teksertip aldy.
Sondai-aq, osy shara aiasynda dárigerler túrli jaǵdailarda alǵashqy meditsinalyq kómek kórsetý boiynsha sheberlikti shyńdaý dáristerin ótkizdi.
Jedel járdem qyzmetinde júrgen mamandar ár qimyl-áreketterin dárigerlermen birge kórsetti. Qai qyzmettiń tegin kórsetilýi tiis ekenin de túsindirdi.
Jalpy aktsiia barysynda dárigerlerdiń qabyldaýynan 200-den astam turǵyn ótti. Olardyń barlyǵy da aǵzasyndaǵy qant mólsherin, holesterin jáne qan qysymyn ólshetýge asyqty. Jastar jaǵy uiymdastyrýshylarmen birigip «fleshmob» ótkizdi.
