مەملەكەت باسشىسى ٸشكٸ ٸستەر مينيسترٸ ەرجان سەدەنوۆتٸ قابىلدادى, دەپ حابارلايدى dalanews.kz.
پرەزيدەنتكە ەلدەگٸ كريمينوگەندٸك احۋال جەنە قوعامدىق قاۋٸپسٸزدٸك پەن قۇقىقتىق تەرتٸپتٸ قامتاماسىز ەتۋ جٶنٸندەگٸ تاپسىرمالارىنىڭ ورىندالۋ بارىسى تۋرالى باياندالدى.
قاسىم-جومارت توقاەۆقا بيىلعى توعىز ايدىڭ قورىتىندىسى بويىنشا قىلمىس دەڭگەيٸ 15 پايىزعا تٶمەندەگەنٸ جٶنٸندە مەلٸمەت بەرٸلدٸ. ناقتى ايتقاندا, ٶتكەن جىلمەن سالىستىرعاندا ازايعان قىلمىس سانى 11 مىڭنان اسادى. قىلمىستىڭ اسا اۋىر تٷرلەرٸ, سونداي-اق قوعامدىق ورىنداردا, كٶشەلەردە, وتباسىلىق-تۇرمىستىق سالادا, كەمەلەتكە تولماعاندار مەن بۇرىن سوتتالعاندار اراسىندا قۇقىق بۇزۋشىلىقتار كەمٸگەن.
مەملەكەت باسشىسىنا ٶتكەن جىلدارى 2,5 مىڭنان استام قىلمىس اشىلعانى ايتىلدى. كريميناليستيكانىڭ زاماناۋي قۇرالدارى, سونىڭ ٸشٸندە دنق زەرتتەۋلەرٸ كٶپ جىل بۇرىن جاسالعان قىلمىستارعا قاتىسى بار ادامداردى انىقتاۋعا مٷمكٸندٸك بەرٸپ وتىر.
ەرجان سەدەنوۆ قوعامدا قۇقىقتىق تەرتٸپتٸ بۇزۋعا تٶزبەۋشٸلٸك داعدىسى ورنىعىپ كەلە جاتقانىن باياندادى. جۇرتشىلىق پوليتسييانىڭ زاڭ مەن تەرتٸپتٸ جٷزەگە اسىرۋىنا بەلسەندٸ تٷردە كٶمەكتەسەدٸ. جىل باسىنان بەرٸ ازاماتتاردىڭ, ۆولونتەرلەر مەن قوعامدىق كٶمەكشٸلەردٸڭ اقپاراتى بويىنشا 12 مىڭنان اسا ەكٸمشٸلٸك قۇقىق بۇزۋشىلىقتىڭ جولى كەسٸلٸپ, 357 قىلمىس اشىلدى.
جازانىڭ بۇلتارتپاستىعىن قامتاماسىز ەتۋگە شەتەلدٸك قۇقىق قورعاۋ ورگاندارىمەن ٶزارا ٸس-قيمىل ىقپال ەتٸپ كەلەدٸ. ٸزدەۋدە جٷرگەن 1039 ادام تابىلىپ, سىرت ەلدەردە بوي تاسالاپ جٷرگەن 154 ادام ۇستالدى. شەت مەملەكەتتەردٸڭ سۇراۋى بويىنشا قازاقستان اۋماعىندا 537 قىلمىسكەر قۇرىقتالدى.
پرەزيدەنتكە ٸشكٸ ٸستەر مينيسترلٸگٸ تەرگەپ جاتقان قىلمىستىق ٸستەر بويىنشا جىل باسىنان بەرٸ 49 ميلليارد تەڭگە قايتارىلعانى جٶنٸندە ايتىلدى. بۇل ٶتكەن جىلدىڭ وسى كەزەڭٸمەن سالىستىرعاندا 22,5 پايىزعا كٶپ. ينتەرنەت-الاياقتىقتان زارداپ شەككەن ازاماتتارعا 6,5 ميلليارد تەڭگەدەن استام قاراجات قايتارىلعان. مۇنداي قىلمىستىڭ سانى 21 پايىزعا ازايدى. ولاردىڭ جولىن كەسۋ ماقساتىندا 8,7 مىڭ الاياقتىق جەنە فيشينگتٸك سايت, سونداي-اق 187 ميلليون الاياقتىق قوڭىراۋ بۇعاتتالدى.
قاسىم-جومارت توقاەۆقا قوعامدىق قاۋٸپسٸزدٸكتٸ قامتاماسىز ەتۋدٸڭ تسيفرلىق تەتٸكتەرٸن دامىتۋ جٶنٸندە اقپارات بەرٸلدٸ. بەينەباقىلاۋ جەلٸسٸنٸڭ كٶمەگٸمەن 2,2 مىڭنان استام ادام انىقتالىپ, ۇستالعان. تسيفرلىق شەشٸمدەر جول قاۋٸپسٸزدٸگٸن قامتاماسىز ەتۋ ٷشٸن دە بەلسەندٸ قولدانىلىپ جاتىر. بۇل شارالار پروفيلاكتيكالىق جۇمىستى كٷشەيتٸپ, جول-كٶلٸك وقيعالارىنىڭ سانىن 5 پايىزعا تٶمەندەتۋگە مٷمكٸندٸك بەردٸ. سونىمەن قاتار قازا تاپقاندار سانى 16 پايىزعا, جاراقات العاندار 7 پايىزعا ازايعان.
كەزدەسۋ سوڭىندا مەملەكەت باسشىسى ەلدەگٸ قۇقىقتىق تەرتٸپ پەن قوعامدىق قاۋٸپسٸزدٸك دەڭگەيٸن ودان ەرٸ ارتتىرۋعا باعىتتالعان بٸرقاتار تاپسىرما بەردٸ.
