قونايەۆ قالاسىنىڭ اكىمى اسحات بەردىحانوۆ «جىلۋ ورتالىعى» مەكەمەسىنە بارىپ، جىلىتۋ ماۋسىمىنا دايىندىق بارىسىمەن تانىستى. مەكەمە باسشىسى وڭعاربەك ماحامبەتوۆ قالا جىلىتۋ ماۋسىمىنا 85 پايىز دايىن ەكەنىن ايتتى. №2 جانە №4 قازاندىق اعىمداعى جوندەۋدەن ءوتىپ، سۋ جىلىتاتىن №9 قازاندىققا ريەۆيزيا جاسالعان، – دەپ حابارلايدى Dalanews.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.

– ورتالىقتا 10 قازاندىق بار. ونىڭ تورتەۋى سۋ جىلىتقىش، التاۋى بۋ قازاندىقتارى. ءقازىر سۋ جىلىتقىش 1 قازاندىق قانا جۇمىس ىستەپ تۇر، 3-ەۋى رەزەرۆتە. بۋ قازاندىعىنىڭ بىرەۋى جوندەۋدەن وتۋدە، ال بىرەۋى جۇمىس جاساۋدا، 4-ەۋى رەزەرۆتە تۇر، – دەدى مەكەمە باسشىسى.

قالادا ورتالىقتاندىرعان جىلۋعا 31 مىڭنان استام ابونەنت قوسىلعان. ۇيدەگى تەمپەراتۋرانىڭ تومەندىگىنە بايلانىستى وتىنىشتەردىڭ 70 پايىزى قارالىپ، پاتەر يەلەرى كووپەراتيۆتەرىمەن تىعىز جۇمىس اتقارىلۋدا. ءقازىر №1،2،3،4 ش/ا-داعى كوپقاباتتى ۇيلەردىڭ جەرتولەلەرىندەگى قوندىرعىلار تازالانىپ جاتىر.

– 12 تامىزدان باستاپ جابدىقتاردى تەكسەرۋ ماقساتىندا شاھارعا ىستىق سۋ بەرۋ توقتاتىلادى. مۇنىڭ بارلىعى قىستان امان-ەسەن شىعۋ ءۇشىن جاسالىپ جاتقانىن تۇرعىندار ءتۇسىنۋى قاجەت، – دەدى وڭعاربەك ماحامبەتوۆ.

سونىمەن قاتار ول №2،4،5 شاعىن اۋداندارىنىڭ جىلۋ جەلىلەرىن اۋىستىرىپ جاتقان مەردىگەر كومپانيانىڭ ءىسى تۋرالى ايتتى. سوزىنشە، سوت شەشىمى جاقىن ارادا شىعادى. سودان كەيىن كونكۋرس قايتا ويناتىلادى. مەردىگەر انىقتالعان سوڭ، اتالعان جەلىنى قازان ايىنىڭ سوڭىنا دەيىن ىسكە قوسۋ جوسپارلانۋدا.

قالا اكىمى اسحات بەردىحانوۆ بولسا، نىساندى جاڭعىرتۋ جوباسىن تەزدەتىپ جاساۋدى تاپسىردى.

ماماندار حالىققا پاتەردەگى تەرەزەلەردى جىلىلاپ، قۇبىرلار مەن رادياتورلاردى ۋاقىتىلى تازالاۋعا كەڭەس بەرەدى.