قىزىلوردانىڭ قازاق ەلٸ استاناسى بولعانىنا جەنە «قازاق» اتاۋىنىڭ قايتارىلعانىنا 100 جىل تولۋ مەرەيتويى اياسىندا سىردارييا ٶزەنٸنٸڭ سول جاعالاۋىنداعى 320 پەتەرلٸك 4 كٶپقاباتتى تۇرعىن ٷي كەشەنٸ پايدالانۋعا بەرٸلدٸ. كەيٸنگٸ جىلدارى ەرەكشە قارقىنمەن دامىعان سول جاعالاۋ سەۋلەتتٸ تۇرعىن ٷيلەرمەن تولىعا تٷستٸ. سالتاناتتى رەسٸمگە زييالى قاۋىم ٶكٸلدەرٸ, ەل اعالارى, قالا تۇرعىندارى قاتىستى, دەپ حابارلايدى Dalanews.kz.
ايماق باسشىسى نۇرلىبەك نەلٸباەۆ تۇرعىن ٷي قۇرىلىسى سالاسىندا اتقارىلعان جۇمىستارعا توقتالىپ, جاڭا قونىس يەلەرٸن قۇتتىقتادى.
«سىر ٶڭٸرٸندە پرەزيدەنتٸمٸزدٸڭ, ٷكٸمەتتٸڭ ەرەكشە قولداۋىمەن تۇرعىنداردى باسپانامەن قامتاماسىز ەتۋگە باعىتتالعان مەملەكەتتٸك ەلەۋمەتتٸك ساياسات نەتيجەلٸ ٸسكە اسىرىلۋدا. سوڭعى ٷش جىلدا قارجىلاندىرۋدىڭ بارلىق كٶزٸنەن وبلىسىمىزدا 2 ملن. 500 مىڭ شارشى مەتر تۇرعىن ٷي پايدالانۋعا بەرٸلدٸ. كەزەكتە تۇرعان ازاماتتارعا 5 مىڭنان استام پەتەر ساتىپ الىنىپ, 25 مىڭعا جۋىق تۇرعىن قونىس تويىن تويلادى.
بارلىق اۋدان ورتالىقتارىندا جاڭادان سالىنعان 1500-عا جۋىق پەتەر تابىستالدى. بيىل بيۋدجەتتەن تۇرعىن ٷي قۇرىلىسى مەن جەكە سالۋشىلاردان دايىن 3 800 پەتەردٸ ساتىپ الۋعا 58 ملرد. 785 ملن. تەڭگە بٶلٸندٸ. قارجىلاندىرۋدىڭ بارلىق كٶزٸنەن 870 مىڭ شارشى مەتر تۇرعىن ٷي بەرٸلەدٸ.
قىزىلوردا قالاسىنىڭ ٶزٸندە سوڭعى ٷش جىلدا 5 600 پەتەر جەرلەستەرٸمٸزدٸڭ يگٸلٸگٸنە اينالدى. ٶتكەن ايدا 280 پەتەرلٸك 7 كٶپقاباتتى تۇرعىن ٷيگە كەزەكتە تۇرعان ازاماتتار قونىستاندى. ەرەكشە اتاپ ٶتۋ قاجەت, ٶتكەن جىلدان باستاپ قالامىزدا زاماناۋي جاڭا ديزاينمەن 7, 9, 12 قاباتتى تۇرعىن ٷيلەر بوي كٶتەرۋدە.بٷگٸن – مەملەكەت قولداۋىمەن باسپانالى بولعان ەر وتباسى ٷشٸن ەرەكشە قۋانىشتى كٷن! جاڭا باسپانالارىڭىزدىڭ ٸرگەتاسى بەرٸك, قابىرعاسى مىعىم, ەر وتباسىنىڭ شاڭىراعى تاتۋلىق پەن بەرەكەگە تولى بولعاي!», – دەدٸ نۇرلىبەك ماشبەكۇلى.
ٸس-شارادا جاڭا تۇرعىن ٷيدٸ سالعان قۇرىلىسشىلارعا وبلىس ەكٸمٸنٸڭ العىس حاتى تابىستالىپ, جالاعاش اۋدانىنىڭ قۇرمەتتٸ ازاماتى, «قۇرمەت» وردەنٸنٸڭ يەگەرٸ ٶمٸربەك شەمەنوۆ قۇتتىقتاۋ سٶز سٶيلەدٸ.
