تۇركىستان وبلىسى كاسىپكەرلەر پالاتاسىنىڭ وڭىرلىك كەڭەس ءتوراعاسى نۇرالى ءابىشوۆ قازىعۇرت جانە تولەبي اۋداندارىنىڭ كاسىپكەرلەرىمەن كەزدەستى. باسقوسۋعا ق ر سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى نۇرلان ارىنبايەۆ، وڭىرلىك كەڭەس مۇشەلەرى، وبلىستىق كاسىپكەرلەر پالاتاسىنىڭ ديرەكتورى اسىلان يبادۋللايەۆ جانە جەكە كاسىپكەرلەر قاتىستى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

قوس اۋدانداعى كاسىپكەرلەردىڭ وزەكتى ماسەلەسى تالقىلانعان كوشپەلى كەڭەس وتىرىسىندا وبلىستىق كاسىپكەرلەر پالاتاسى تولەبي اۋداندىق فيليالىنىڭ ديرەكتورى مارجان مۋسايەۆا جانە قازىعۇرت اۋداندىق فيليالىنىڭ ديرەكتورى سەرجان  مامىتبەكوۆ اتقارىلعان جۇمىس بارىسى تۋرالى بايانداما جاسادى. شارانىڭ نەگىزگى بولىگىندە سۇراق-جاۋاپ كەزەڭىنە كەزەك بەرىلىپ، كاسىپكەرلەردىڭ كوكەيىندەگى سۇراقتارعا سالا ماماندارى جاۋاپ بەردى.

– ەل پرەزيدەنتى قاسىم-جومارت توقايەۆ وتاندىق بيزنەس وكىلدەرىمەن كەزدەسۋىندە مەملەكەت تاراپىنان كاسىپكەرلىك سالانى دامىتۋعا باسا ءمان بەرىلىپ وتىرعاندىعىن اتاپ ءوتتى. كاسىپكەرلىك – ەلىمىزدىڭ ەكونوميكاسىن دامىتۋدىڭ نەگىزگى باعىتتارىنىڭ ءبىرى.

سوندىقتان ءوڭىر اۋماعىندا دا كاسىپكەرلەردى قولداۋ شارالارى ءوز دەڭگەيىندە جۇرگىلەدى. وبلىستىق «اتامەكەن» كاسىپكەرلەر پالاتاسىنىڭ جۇمىسى كوڭىل قۋانتارلىق، دەگەنمەن جۇمىستى تاعى شيراتا ءتۇسۋ كەرەك.

ياعني، كاسىپكەرلەرگە بيزنەسىن جاندادىرۋ ماسەلەسىندە باعىت-باعدار بەرۋ مەن قۇقىعىن قورعاۋ اياسىنداعى جۇمىستار جالعاسىن تابا بەرمەك، – دەدى نۇرالى ءالماحان ۇلى.

قازىعۇرت اۋدانىنىڭ اكىمى ازيزحان يسمايلوۆتىڭ ايتۋىنشا، اۋداندا 12058 كاسىپكەرلىك سۋبەكتىسى تىركەلگەن. بيزنەس وكىلدەرىنە جاعداي جاساۋ بويىنشا جوسپارلى جۇمىستار اتقارىلۋدا.

اتاپ ايتقاندا جىل باسىنان بەرى وڭىرگە 1 ملرد 550 ملن تەڭگە ينۆەستيسيا تارتىلعان. ال تولەبي اۋدانىنداعى القالى جيىننان سوڭ وڭىرلىك كەڭەس ءتوراعاسى باستاعان توپ «فۋدماستەر-شىمكەنت» ج ش س جۇمىسىمەن تانىستى. كوكسايەك اۋىلدىق وكرۋگىندە ورنالاسقان كاسىپورىن تاۋلىگىنە 70-80 توننا ءسۇتتى قايتا وندەپ، 60 توننا دايىن ءونىم شىعارادى. ءوندىرىس ورنىندا ءسۇت، ايران، قايماق، بيوايران، يوگۋرت بيوس يمۋن+ ونىمدەرى وندىرىلەدى.