Túrkistan oblysy kásipkerler palatasynyń Óńirlik keńes tóraǵasy Nuraly Ábishov Qazyǵurt jáne Tólebi aýdandarynyń kásipkerlerimen kezdesti. Basqosýǵa QR Sybailas jemqorlyqqa qarsy is-qimyl agenttiginiń Túrkistan oblysy boiynsha departamenti basshysynyń birinshi orynbasary Nurlan Arynbaev, Óńirlik keńes músheleri, oblystyq kásipkerler palatasynyń direktory Asylan Ibadýllaev jáne jeke kásipkerler qatysty, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Qos aýdandaǵy kásipkerlerdiń ózekti máselesi talqylanǵan kóshpeli keńes otyrysynda oblystyq kásipkerler palatasy Tólebi aýdandyq filialynyń direktory Marjan Mýsaeva jáne Qazyǵurt aýdandyq filialynyń direktory Serjan Mamytbekov atqarylǵan jumys barysy týraly baiandama jasady. Sharanyń negizgi bóliginde suraq-jaýap kezeńine kezek berilip, kásipkerlerdiń kókeiindegi suraqtarǵa sala mamandary jaýap berdi.
– El Prezidenti Qasym-Jomart Toqaev otandyq biznes ókilderimen kezdesýinde memleket tarapynan kásipkerlik salany damytýǵa basa mán berilip otyrǵandyǵyn atap ótti. Kásipkerlik – elimizdiń ekonomikasyn damytýdyń negizgi baǵyttarynyń biri.
Sondyqtan óńir aýmaǵynda da kásipkerlerdi qoldaý sharalary óz deńgeiinde júrgiledi. Oblystyq «Atameken» kásipkerler palatasynyń jumysy kóńil qýantarlyq, degenmen jumysty taǵy shirata túsý kerek.
Iaǵni, kásipkerlerge biznesin jandadyrý máselesinde baǵyt-baǵdar berý men quqyǵyn qorǵaý aiasyndaǵy jumystar jalǵasyn taba bermek, – dedi Nuraly Álmahanuly.
Qazyǵurt aýdanynyń ákimi Azizhan Ismailovtyń aitýynsha, aýdanda 12058 kásipkerlik sýbektisi tirkelgen. Biznes ókilderine jaǵdai jasaý boiynsha josparly jumystar atqarylýda.
Atap aitqanda jyl basynan beri óńirge 1 mlrd 550 mln teńge investitsiia tartylǵan. Al Tólebi aýdanyndaǵy alqaly jiynnan soń óńirlik keńes tóraǵasy bastaǵan top «FýdMaster-Shymkent» JShS jumysymen tanysty. Kóksáiek aýyldyq okrýginde ornalasqan kásiporyn táýligine 70-80 tonna sútti qaita óndep, 60 tonna daiyn ónim shyǵarady. Óndiris ornynda sút, airan, qaimaq, bioairan, iogýrt BioS imýn+ ónimderi óndiriledi.
