قازاقستان مەن كاتار اراسىنداعى ق ر ازاماتتارىن جۇمىسقا ورنالاستىرۋ تۋرالى كەلىسىم رەسمي تۇردە كۇشىنە ەندى، دەپ حابارلايدى Dalanews.kz.
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، قاتار تاراپى بارلىق ىشكى مەملەكەتتىك راسىمدەردىڭ اياقتالعانى جونىندە حابارلاما جولداعان.
قۇجاتتا مامانداردى ىرىكتەۋ جانە جۇمىسقا ورنالاستىرۋ ءتارتىبى بەكىتىلىپ، قازاقستاندىق ازاماتتاردىڭ الەۋمەتتىك جانە ەڭبەك قۇقىقتارىنا كەپىلدىك بەرىلەدى. اتاپ ايتقاندا، وعان اۋە بيلەتىن تولەۋ، تۇرۋ شىعىندارى مەن مەديسينالىق قىزمەت كورسەتۋ، ەڭبەك شارتتارىنىڭ ايقىن بەلگىلەنۋى، دەمالىس بەرۋ، سونداي-اق ەڭبەك كەلىسىمشارتى مەرزىمىنەن بۇرىن بۇزىلعان جاعدايدا قۇقىقتارىن قورعاۋ كىرەدى.
كەلىسىمنىڭ ورىندالۋىن باقىلاۋ ءۇشىن بىرلەسكەن كوميتەت قۇرىلادى، ال قاتار جۇمىس بەرۋشىلەرىنىڭ بارلىق بوس جۇمىس ورىندارى ارنايى پورتالعا ورنالاستىرىلادى.
ەڭبەك مينيسترلىگىنىڭ مالىمەتىنشە، وسىنداي كەلىسىمدەر وڭتۇستىك كورەيا، ساۋد ارابياسى، ءباا، جاپونيا جانە ءبىرقاتار ەۋروپا ەلدەرىمەن دە پىسىقتالىپ جاتىر.
