Qazaqstan men Katar arasyndaǵy QR azamattaryn jumysqa ornalastyrý týraly kelisim resmı túrde kúshine endi, dep habarlaıdy Dalanews.kz.

Eńbek jáne halyqty áleýmettik qorǵaý mınıstrliginiń málimetinshe, Qatar tarapy barlyq ishki memlekettik rásimderdiń aıaqtalǵany jóninde habarlama joldaǵan.

Qujatta mamandardy irikteý jáne jumysqa ornalastyrý tártibi bekitilip, qazaqstandyq azamattardyń áleýmettik jáne eńbek quqyqtaryna kepildik beriledi. Atap aıtqanda, oǵan áýe bıletin tóleý, turý shyǵyndary men medısınalyq qyzmet kórsetý, eńbek sharttarynyń aıqyn belgilenýi, demalys berý, sondaı-aq eńbek kelisimsharty merziminen buryn buzylǵan jaǵdaıda quqyqtaryn qorǵaý kiredi.

Kelisimniń oryndalýyn baqylaý úshin birlesken komıtet qurylady, al Qatar jumys berýshileriniń barlyq bos jumys oryndary arnaıy portalǵa ornalastyrylady.

Eńbek mınıstrliginiń málimetinshe, osyndaı kelisimder Ońtústik Koreıa, Saýd Arabıasy, BAÁ, Japonıa jáne birqatar Eýropa elderimen de pysyqtalyp jatyr.