قازاقستاندا مەملەكەتتٸك بٸلٸم بەرۋ ۇيىمدارىنىڭ باسشىلارى مەن پەداگوگتەرٸن قىزمەتكە تاعايىنداۋ جەنە قىزمەتتەن بوساتۋ قاعيدالارىنا ٶزگەرٸستەر ەنگٸزٸلدٸ, دەپ حابارلايدى dalanews.kz.
قۇجات 2026 جىلعى 6 قىركٷيەكتەن باستاپ كٷشٸنە ەنەدٸ. جاڭا تالاپتارعا سەيكەس, مەكتەپ ديرەكتورىنىڭ لاۋازىمى بوس نەمەسە ۋاقىتشا بوس بولعان جاعدايدا اۋداندىق نە قالالىق بٸلٸم بٶلٸمٸ بەس جۇمىس كٷنٸ ٸشٸندە وبلىستىق بٸلٸم باسقارماسىنا كونكۋرس ٶتكٸزۋ تۋرالى رەسمي ٶتٸنٸش جولداۋى تيٸس.
كونكۋرس اياقتالعانعا دەيٸن ديرەكتوردىڭ مٸندەتٸن ونىڭ ورىنباسارى نەمەسە سول بٸلٸم بەرۋ ۇيىمىنىڭ پەداگوگٸ اتقارادى. بۇل مەرزٸم التى ايدان اسپاۋى كەرەك. ەگەر كونكۋرس ٶتپەي قالسا, مٸندەت اتقارۋ مەرزٸمٸ تاعى التى ايعا ۇزارتىلۋى مٷمكٸن.
تٷزەتۋلەرگە سەيكەس, بٸرقاتار كانديداتتار مەكتەپ ديرەكتورى لاۋازىمىنا ٷمٸتكەر بولعان كەزدە سەرتيفيكاتتاۋدان ٶتپەيدٸ.
ولاردىڭ قاتارىنا:
- پرەزيدەنتتٸك جاستار كادر رەزەرۆٸنٸڭ مٷشەلەرٸ;
- نازارباەۆ ۋنيۆەرسيتەتٸنٸڭ تٷلەكتەرٸ;
- «بولاشاق» باعدارلاماسى بويىنشا شەتەلدە بٸلٸم العان ازاماتتار;
- QS, Times Higher Education (THE) جەنە ARWU رەيتينگتەرٸندەگٸ ەلەمنٸڭ ٷزدٸك 100 ۋنيۆەرسيتەتٸنٸڭ تٷلەكتەرٸ كٸرەدٸ.
الايدا مۇنداي كانديداتتاردىڭ پەداگوگيكالىق نەمەسە تيٸستٸ كەسٸبي جوعارى بٸلٸمٸ جەنە پەداگوگيكالىق قايتا دايارلاۋدان ٶتكەنٸن راستايتىن قۇجاتى بولۋى قاجەت. ال قالعان ٷمٸتكەرلەر نورماتيۆتٸك-قۇقىقتىق اكتٸلەردٸ بٸلۋ بويىنشا سەرتيفيكاتتاۋدان جەنە مەملەكەتتٸك تٸلدٸ مەڭگەرۋ دەڭگەيٸن انىقتايتىن تەستٸلەۋدەن ٶتەدٸ. كونكۋرسقا قاتىسۋ ٷشٸن كازتەست نەمەسە QAZAQ RESMI TEST جٷيەسٸ بويىنشا كەمٸندە ۆ1 دەڭگەيٸندەگٸ سەرتيفيكات تالاپ ەتٸلەدٸ. سەرتيفيكاتتاۋ كەزٸندە ەر نورماتيۆتٸك-قۇقىقتىق اكت بويىنشا دۇرىس جاۋاپتاردىڭ ەڭ تٶمەنگٸ كٶرسەتكٸشٸ 50 پايىز بولىپ بەلگٸلەنگەن. تەستٸلەۋگە 96 مينۋت بەرٸلەدٸ.
كونكۋرس قورىتىندىسى بويىنشا شەشٸمدٸ ارنايى كوميسسييا قابىلدايدى. جەڭٸمپاز ەڭ كٶپ بالل جيناعان كانديدات بولىپ تانىلادى. ەگەر بٸرنەشە ٷمٸتكەردٸڭ بالى بٸردەي بولسا, كوميسسييا مٷشەلەرٸ اشىق داۋىس بەرۋ ارقىلى شەشٸم شىعارادى. داۋىستار تەڭ تٷسكەن جاعدايدا كوميسسييا تٶراعاسىنىڭ داۋىسى شەشۋشٸ بولادى. سونداي-اق كونكۋرس كوميسسيياسى مٷشەلەرٸنٸڭ اراسىندا مٷددەلەر قاقتىعىسى انىقتالسا, كوميسسييا قۇرامى قايتا قارالادى.
كونكۋرسقا قاتىسۋ ٷشٸن قۇجاتتار حابارلاندىرۋ جارييالانعاننان كەيٸنگٸ كەلەسٸ جۇمىس كٷنٸنەن باستاپ جەتٸ جۇمىس كٷنٸ ٸشٸندە قابىلدانادى.
ٷمٸتكەرلەر قۇجاتتارىن:
- ەلەكتروندى فورماتتا;
- قاعاز تٷرٸندە;
- «ازاماتتارعا ارنالعان ٷكٸمەت» مەملەكەتتٸك كورپوراتسيياسى ارقىلى;
- قىزمەت كٶرسەتۋشٸ مەكەمەنٸڭ كەڭسەسٸ ارقىلى;
- ەلەكتروندىق ٷكٸمەت پورتالى ارقىلى تاپسىرا الادى.
جاڭا قاعيدالاردا ەڭبەك شارتىنىڭ مەرزٸمٸ اياقتالعاننان كەيٸن ديرەكتور مٸندەتٸن ۋاقىتشا اتقارۋ تەرتٸبٸ دە ناقتىلانعان. بٸلٸم بەرۋ ۇيىمىنىڭ باسشىسى مەن باسقارۋ ورگانىنىڭ كەلٸسٸمٸ بولعان جاعدايدا, ول كونكۋرس اياقتالعانعا دەيٸن ۋاقىتشا باسشى بولىپ قالا الادى. بٸراق بۇل مەرزٸم التى ايدان اسپاۋى تيٸس.
بەلگٸلەنگەن مەرزٸم اياقتالعان سوڭ ەڭبەك شارتى توقتاتىلادى. ال شارتتى بۇزۋ تۋرالى حابارلامانىڭ بولماۋى ونىڭ اۆتوماتتى تٷردە ۇزارتىلۋىنا نەگٸز بولمايدى.
ٶزگەرٸستەر ۇلتتىق «جايلى مەكتەپ» جوباسى اياسىندا سالىنعان بٸلٸم بەرۋ ۇيىمدارىنا كادر تاعايىنداۋ تەرتٸبٸنە دە قاتىستى. كادر رەزەرۆٸنە ەنگٸزٸلگەن ديرەكتور ورىنباسارلارى مۇنداي مەكتەپتەردەگٸ ديرەكتور نەمەسە ديرەكتوردىڭ ورىنباسارى قىزمەتتەرٸنە باسىمدىقپەن تاعايىندالادى. ال كادر رەزەرۆٸندەگٸ پەداگوگتەر «جايلى مەكتەپتەردەگٸ» ديرەكتور ورىنباسارى لاۋازىمدارىنا ورنالاسۋ كەزٸندە ارتىقشىلىققا يە بولادى. جاڭا تٷزەتۋلەر پەداگوگتەردٸ كونكۋرستىق جەنە كونكۋرستان تىس نەگٸزدە جۇمىسقا قابىلداۋ تەرتٸبٸن دە ٶزگەرتەدٸ.
