قازاقستان رەسپۋبليكاسىنىڭ تۋريزم جەنە سپورت مينيسترلٸگٸ «سپورتشى-نۇسقاۋشى» لاۋازىمىنا قويىلاتىن مٸندەتتٸ بٸلٸكتٸلٸك تالاپتارىنىڭ قاتارىنا ورتا بٸلٸمنٸڭ بولۋىن ەنگٸزدٸ. تيٸستٸ ٶزگەرٸستەر جوعارى اۋديتورلىق پالاتانىڭ نۇسقاماسى بويىنشا ەنگٸزٸلدٸ, دەپ حابارلايدى dalanews.kz.
بۇعان دەيٸن جوعارى اۋديتورلىق پالاتا سپورتشىلاردى تەربيەلەۋ مەن دايارلاۋعا, ونىڭ ٸشٸندە جوعارى جەتٸستٸكتەر سپورتىن دامىتۋعا بٶلٸنگەن بيۋدجەت قاراجاتىنىڭ پايدالانىلۋ تيٸمدٸلٸگٸنە مەملەكەتتٸك اۋديت جٷرگٸزدٸ.
اۋديت قورىتىندىسى بويىنشا مينيسترلٸككە «سپورتشى-نۇسقاۋشى» لاۋازىمىنا قويىلاتىن بٸلٸكتٸلٸك تالاپتارىن تٶمەندەتۋ ۇسىنىلدى. اتاپ ايتقاندا, كادرلاردى دايارلاۋ باعىتىندا «دەنە شىنىقتىرۋ جەنە سپورت» ماماندىعى بويىنشا جوعارى (نەمەسە جوعارى وقۋورنىنان كەيٸنگٸ) بٸلٸمنٸڭ نە «دەنە شىنىقتىرۋ جەنە سپورت» ماماندىعى بويىنشا تەحنيكالىق جەنە كەسٸپتٸك, ورتا بٸلٸمنەن كەيٸنگٸ بٸلٸمنٸڭ نە سپورت تٷرٸ (تٷرلەرٸ) بويىنشا قازاقستان رەسپۋبليكاسىنىڭ ۇلتتىق قۇراما كومانداسىنىڭ قۇرامىنا قابىلدانعان جاعدايدا جالپى ورتا بٸلٸمنٸڭ بولۋىنا قاتىستى تالاپتاردى تٶمەندەتۋ ۇسىنىلدى.
اتالعان تالاپتار كوللەدجدەردە وقۋىن جالعاستىرىپ جٷرگەن, اياقتالعان كەسٸبي بٸلٸمٸ نەمەسە جالپى ورتا بٸلٸمٸ (11 سىنىپ) تۋرالى قۇجاتى جوق, حالىقارالىق جارىستاردا ەل نامىسىن قورعاپ جٷرگەن جاس سپورتشىلاردى «سپورتشى-نۇسقاۋشى» لاۋازىمىنا قابىلداۋعا جەنە ولاردىڭ ەڭبەگٸنە اقى تٶلەۋگە مٷمكٸندٸك بەرمەدٸ. سونىڭ سالدارىنان جاس سپورتشىلاردىڭ سپورتتىق مانسابىن بٸلٸم الۋمەن قاتار الىپ جٷرۋٸنە جەتكٸلٸكتٸ ىنتالاندىرۋ بولمادى.
بۇل رەتتە كٶركەم گيمناستيكا, سينحروندى جٷزۋ جەنە مەنەرلەپ سىرعاناۋ سيياقتى سپورت تٷرلەرٸندە وليمپيادا ويىندارىنا جەنە ەرەسەكتەر اراسىنداعى باسقا دا حالىقارالىق جارىستارعا 16 جاستان باستاپ, ال بوكس, جٷزۋ جەنە سۋعا سەكٸرۋ سيياقتى سپورت تٷرلەرٸنە
19 جاستان باستاپ قاتىسۋعا رۇقسات ەتٸلەدٸ.
نەتيجەسٸندە ٷلگٸلٸك بٸلٸكتٸلٸك سيپاتتامالارىنا قاجەتتٸ ٶزگەرٸستەر ەنگٸزٸلدٸ. ەندٸ سپورتشى-نۇسقاۋشى لاۋازىمىنا ٷمٸتكەردٸڭ كەمٸندە ورتا بٸلٸمٸ بولۋعا تيٸس.
قابىلدانعان شارا بيۋدجەت قاراجاتى ەسەبٸنەن ەڭبەك ەتەتٸن سپورتشىلار ٷشٸن بازالىق بٸلٸم ستاندارتىن بەكٸتٸپ, ولاردىڭ جاتتىعۋلار مەن جارىستارعا قاتىسۋمەن قاتار وقۋىن جالعاستىرۋىنا ىنتالاندىرادى. سونىمەن قاتار بۇل قادام ٷلكەن سپورتتان كەيٸنگٸ ٶمٸرگە دايىندالۋعا, اتاپ ايتقاندا, جوعارى وقۋ ورنىنا تٷسۋگە, جاتتىقتىرۋشىلىق قىزمەتكە اۋىسۋعا نەمەسە باسقا ماماندىقتاردى يگەرۋگە نەگٸز قالايدى.
مەملەكەتتٸك اۋديت قورىتىندىسى بويىنشا بەرٸلگەن باسقا دا تاپسىرمالار مەن ۇسىنىمداردىڭ ورىندالۋى جوعارى اۋديتورلىق پالاتانىڭ باقىلاۋىندا.
