پەتروپاۆلدا قالانىڭ نٶسەر كەرٸزٸنەن جينالعان سۋدى تازارتۋمەن اينالىساتىن كوممۋنالدىق كەسٸپورىن ەسٸل ٶزەنٸنە اعىن سۋدى زاڭسىز تٶككەن. كومپانيياعا 174 ميلليون تەڭگە ايىپپۇل سالىندى, دەپ حابارلايدى dalanews.kz كتك تەلەارناسىنا سٸلتەمە جاساپ.
تابيعاتتى قورعاۋ پروكۋراتۋراسىنىڭ مەلٸمەتٸنشە, كەسٸپورىن بىلتىر جىل سوڭىندا بٸر ايعا جۋىق ۋاقىت بويى ٶزەنگە اعىن سۋ جٸبەرگەن. بۇل جاعداي قىستا بولعانىمەن, زاڭ بويىنشا مۇنداي سۋدى تەك جىلدىڭ جىلى مەزگٸلٸندە اعىزۋعا رۇقسات ەتٸلەدٸ.
ەكولوگتەر جٷرگٸزگەن تەكسەرۋ بارىسىندا اعىن سۋ قۇرامىنداعى 16 كٶرسەتكٸشتٸڭ رۇقسات ەتٸلگەن شەكتەن اسىپ كەتكەنٸ انىقتالدى. ولاردىڭ قاتارىندا نيتريتتەر, نيتراتتار, سۋلفاتتار مەن مۇناي ٶنٸمدەرٸ بار.
سوتتا كەسٸپورىن ٶكٸلٸ بۇل قادامعا مەجبٷرلٸ تٷردە بارعانىن ايتقان. ونىڭ تٷسٸندٸرۋٸنشە, قىس بويى سۋ بۇرۋ جٷيەسٸنٸڭ جۇمىسىن توقتاتۋ مٷمكٸن بولماعان.
"كوممۋنالدىق كەسٸپورىن اۋماعىنا ورناتىلعان شىعىن ٶلشەگٸش قۇرالداردىڭ كٶرسەتكٸشٸنە سەيكەس, قىس مەزگٸلٸندە جالپى كٶلەمٸ 3,5 مىڭ تەكشە مەتردەن اساتىن اعىن سۋ تٶگٸلگەن. سوت اكتٸسٸ زاڭدى كٷشٸنە ەندٸ, قازٸر ايىپپۇلدى ٶندٸرٸپ الۋ جۇمىستارى جٷرگٸزٸلٸپ جاتىر", – دەدٸ سولتٷستٸك قازاقستان وبلىسى مامانداندىرىلعان تابيعاتتى قورعاۋ پروكۋراتۋراسىنىڭ پروكۋرورى ەرۇلان بيمەندين.
