اقش دوللارى SWIFT جٷيەسٸ ارقىلى ٶڭدەلەتٸن ەلەمدٸك تٶلەمدەردٸڭ جالپى قۇنى بويىنشا كٶش باستاپ تۇر. تامىز ايىنداعى كٶرسەتكٸشكە سەيكەس, دوللاردىڭ ٷلەسٸ 52,09%-عا جەتكەن. بۇل قالعان بارلىق ۆاليۋتالاردىڭ جيىنتىق ٷلەسٸنەن دە جوعارى, دەپ حابارلايدى dalanews.kz.
ەۋرو 21,37% كٶرسەتكٸشپەن ەكٸنشٸ ورىنعا جايعاسسا, ۇلىبريتانييا فۋنتىنىڭ ٷلەسٸ 6,37% بولعان. ال قىتاي يۋانٸ 3,26% كٶرسەتكٸشپەن بەسٸنشٸ ورىنعا تۇراقتاپ, جاپونييا يەناسىنان كەيٸن قالعان.
SWIFT ارقىلى ٶڭدەلگەن ەلەمدٸك تٶلەمدەردٸڭ ۆاليۋتالار بويىنشا ٷلەسٸ:
- اقش دوللارى – 52,09%;
- ەۋرو – 21,37%;
- بريتان فۋنتى – 6,37%;
- جاپونييا يەناسى – 3,52%;
- قىتاي يۋانٸ – 3,26%;
- كانادا دوللارى – 2,65%;
- باسقا ۆاليۋتالار – 10,74%.
سونىمەن قاتار قىتايدىڭ ترانسشەكارالىق بانكارالىق تٶلەمدەر جٷيەسٸ (CIPS) سيياقتى بالاما تٶلەم جەلٸلەرٸ دە كەڭەيٸپ كەلەدٸ. ەلدەر حالىقارالىق ەسەپ ايىرىسۋلاردا يكەمدٸلٸكتٸ ارتتىرۋعا جەنە تٶلەم جٷيەلەرٸن ەرتاراپتاندىرۋعا ۇمتىلىپ وتىر.
الايدا SWIFT جٷيەسٸندەگٸ يۋان ٷلەسٸنٸڭ سالىستىرمالى تٷردە تٶمەن بولۋى قىتاي ەكونوميكاسىنىڭ اۋقىمى مەن ونىڭ ۆاليۋتاسىنىڭ وسى جەلٸدەگٸ حالىقارالىق قولدانىسى اراسىندا ايىرماشىلىق بار ەكەنٸن كٶرسەتەدٸ.
بۇل كٶرسەتكٸشتەر نەنٸ بٸلدٸرەدٸ?
ايتا كەتۋ كەرەك, كەلتٸرٸلگەن پايىزدار تٶلەم وپەراتسييالارىنىڭ سانىنا ەمەس, ولاردىڭ جالپى اقشالاي كٶلەمٸنە نەگٸزدەلگەن. بۇعان قوسا, SWIFT جٷيەسٸنەن تىس جٷرگٸزٸلەتٸن تٶلەمدەر ەسەپكە الىنبايدى. سوندىقتان بۇل رەيتينگ ەلەمدەگٸ بارلىق تٶلەمنٸڭ قانشا بٶلٸگٸ دوللارمەن جاسالاتىنىن نەمەسە بالاما تٶلەم جەلٸلەرٸنٸڭ ۋاقىت ٶتە كەلە قانشالىقتى دامىپ جاتقانىن تولىق انىقتاۋعا مٷمكٸندٸك بەرمەيدٸ.
