قازاقستاندا اقىلى جول ۋچاسكەلەرىندە جىلدامدىقتى شامادان تىس اسىرۋ دەرەكتەرى ەندى اۆتوماتتى تۇردە ءاىبت وڭدەۋ ورتالىعىنا جىبەرىلەدى دەپ حابارلايدى Dalanews.kz «قازاۆتوجول»-عا سىلتەمە جاساپ.
«قازاۆتوجول» مالىمەتىنشە، 29 قازاننان باستاپ اقىلى اۆتوجول ۋچاسكەلەرىندە جاڭا جۇيە ەنگىزىلدى. بەلگىلەنگەن جىلدامدىق رەجيمىن بۇزۋ تۋرالى دەرەكتەر ەندى اكىمشىلىك ىستەردىڭ ءبىرىڭعاي ءتىزىلىمىنىڭ پروسەسسينگتىك ورتالىعىنا اۆتوماتتى تۇردە جىبەرىلەدى.
«ەندى جىلدامدىقتى ارتتىرۋ فاكتىلەرى اۆتوماتتى باقىلاۋ دوعالارى ارقىلى تىركەلگەن جاعدايدا، اقپارات تىكەلەي ءاىبت-عا جولدانادى. بۇل جول قوزعالىسى ەرەجەلەرىن بۇزۋ ءۇشىن جاۋاپكەرشىلىكتىڭ اشىقتىعىن، وبەكتيۆتىلىگىن جانە بۇلتارتپاستىعىن قامتاماسىز ەتەدى»، — دەپ حابارلادى ۇلتتىق كومپانيا.
جۇيە كولىكتىڭ ناقتى جىلدامدىعىن تىركەپ، ونى بەلگىلەنگەن شەكتەۋمەن اۆتوماتتى تۇردە سالىستىراتىنى اتاپ وتىلگەن. بۇزۋشىلىق تۋرالى دەرەكتەر ءاىبت-عا جىبەرىلەدى، وندا اكىمشىلىك ماتەريالدار قۇرىلادى.
جۇرگىزۋشىلەرگە، اسىرەسە اقىلى جول ۋچاسكەلەرى مەن اۆتوماتتى باقىلاۋ پۋنكتتەرىنەن وتكەندە، جىلدامدىق رەجيمىن ساقتاۋعا كەڭەس بەرىلەدى.
