قازاقستاننىڭ مەملەكەتتٸك كٸرٸستەر كوميتەتٸ (مكك) شەتەلدٸك ونلاين-ساۋدا الاڭدارى ەلدە تٸركەلٸپ, قوسىمشا قۇن سالىعىن (ققس) تٶلەۋٸ تيٸس ەكەنٸن ەسكەرتتٸ. بۇل تالاپتى ورىنداماعان ماركەتپلەيستەرگە ەل اۋماعىندا جۇمىس ٸستەۋگە تىيىم سالىنادى, دەپ حابارلايدى Dalanews.kz.
مكك ققس ەكٸمشٸلەندٸرۋ باسقارماسىنىڭ باسشىسى ەدٸل ەزٸمشايىقتىڭ ايتۋىنشا, شەتەلدٸك ماركەتپلەيستەردە قازاقستاندىقتار جاساعان ونلاين-ساتىپ الۋلارعا قاتىستى سالىقتى پايدالانۋشىلار ەمەس, سول پلاتفورمالاردىڭ ٶزدەرٸ تٶلەۋگە مٸندەتتٸ.
"بٸز ولارعا تٸركەلۋ قاجەتتٸگٸ تۋرالى حابارلامالار جٸبەرەمٸز. بانك وپەراتسييالارىن بۇعاتتاۋ شاراسى قولدانىلمايدى, ٶيتكەنٸ ولاردىڭ قازاقستاندا شوتتارى جوق. الايدا ٶزگە تەتٸك بار – ەگەر ەسكەرتۋ ورىندالماسا, ولاردىڭ ينتەرنەت-رەسۋرستارىنا قولجەتٸمدٸلٸك توقتاتىلادى", – دەدٸ ەزٸمشايىق.
قاراپايىم تٸلمەن ايتقاندا, ەگەر شەتەلدٸك ماركەتپلەيس قازاقستاندا تٸركەلمەي, ققس تٶلەۋدٸ باستاماسا, قازاقستاندىق پايدالانۋشىلار ونىڭ سايتىنا كٸرە المايدى.
"تٸركەلمەگەن كومپانييالار قازاقستان اۋماعىندا جۇمىسىن جالعاستىرا المايدى", – دەپ ناقتىلادى ول.
مەملەكەتتٸك كٸرٸستەر كوميتەتٸ زاڭ بۇزعان كومپانييالاردى ۇلتتىق بانك جەنە ەكٸنشٸ دەڭگەيلٸ بانكتەرمەن بٸرلەسە وتىرىپ انىقتايدى. ول ٷشٸن شەتەلدٸك ينتەرنەت-كومپانييالارعا جاسالاتىن تٶلەمدەر تالدانادى.
2026 جىلدان باستاپ مۇنداي ونلاين-پلاتفورمالار ٷشٸن ققس مٶلشەرلەمەسٸ جالپى سالىق تٶلەۋشٸلەرگە ارنالعان تەرتٸپپەن 12%-دان 16%-عا دەيٸن ٶسەدٸ.
"بۇل تالاپ شەتەلدٸك كومپانييالارعا قاتىستى. ولار قازاقستاندا تٸركەلۋگە مٸندەتتٸ, بٸراق ەدٸلەت ورگاندارى ارقىلى ەمەس – شارتتى تٸركەۋ تٷرٸندە. بٸز ارنايى رەەستر ەنگٸزەمٸز. تٸزٸمگە ەنگەندەر قازاقستاندىق ازاماتتاردىڭ ساتىپ الۋىنان تٷسكەن تابىسقا ققس تٶلەيدٸ. شەتەلدٸك كومپانييالار بۇل سالىقتى اي سايىن, كەلەسٸ ايدىڭ 20-سىنا دەيٸن اۋدارادى", – دەپ تٷسٸندٸردٸ ەزٸمشايىق.
ونىڭ ايتۋىنشا, مۇنداي الاڭدارعا باقىلاۋ تۇراقتى تٷردە جٷرگٸزٸلٸپ وتىرادى.
