كەزدەسۋ بارىسىندا قازاقستان مەن تاجىكستان تەمىرجول اكىمشىلىكتەرى اراسىنداعى ەكىجاقتى ىنتىماقتاستىق ماسەلەلەرى تالقىلاندى.
اعىمداعى جىلعى اكىمشىلىكتەرمەن بىرلەسە جۇرگىزگەن جۇمىس اعىمداعى 10 ايدا تاسىمالدىڭ وڭ قارقىنىنا جەتۋگە مۇمكىندىك بەرگەندىگى اتاپ كورسەتىلدى.
اتاپ ايتقاندا، 2018 جىلدىڭ سايكەس كەزەڭىمەن سالىستىرعاندا كونتەينەرلىك جۇك تاسىمالىنىڭ ءوسىمى 57%-دى قۇراعان.
تاراپتار قازاقستان مەن تاجىكستان تەمىر جولدارىنىڭ قاتىسۋىمەن جۇك تاسىمالى كولەمىن ارى قاراي دا ارتىرۋ، سونداي-اق 2020 جىلى ەكى ەل اۋماعى بويىنشا جۇك تاسىمالىنا كەلىسىلگەن تاريفتىك ساياسات جۇرگىزۋ بويىنشا جۇمىستى جالعاستىرۋعا نيەتتەرىن ءبىلدىردى.
قازاقستان مەن تاجىكستان اراسىنداعى تەمىرجول كولىگى تاسىمالدارىنا بيزنەستىڭ قىزىعۋشىلىعى ارتىپ كەلە جاتقاندىعى، سونداي-اق جۇكتەر تاسىمالىن كونتەينەرلەندىرۋدەگى بار الەۋەتتى ەسكەرىپ، جۇكتەردى، سونىڭ ىشىندە اليۋمينيي، قارا مەتال، ازىق-تۇلىك، قۇرىلىس جۇكتەرى، ماشينا مەن قۇرال-جابدىقتاردى جانە وزگەلەرىن تاسىمالداۋدا كونتەينەرلىك جونەلتىلىمدەردى ۇيىمداستىرۋ تۋرالى ۋاعدالاستىققا قول جەتكىزىلدى.
كەلىسسوز قورىتىندىسى بويىنشا حاتتاماعا قول قويىلدى.
